Summary -

• हैदराबादमध्ये ३६ वर्षीय सॉफ्टवेअर इंजिनिअरची आत्महत्या

• तरुणाच्या बायकोचे अनेकांसोबत विवाहबाह्य संबंध होते

• आत्महत्येपूर्वी तरुणाने १९ पानांची सुसाईड नोट लिहिली होती

• पोलिसांनी बायको आणि तिच्या मित्राला अटक केली

हैदराबादमध्ये एक हादरवून टाकणारी घटना घडली. एका ३६ वर्षीय सॉफ्टवेअर इंजिनिअरने तलावात उडी मारून आत्महत्या केली. एम सीताराम रेड्डी असं या इंजिनिअरचे नाव होते. त्याच्या बायकोचे अनेकांसोबत विवाहबाह्य संबंध होते. यामुळे मानसिक तणावाखाली जाऊन या तरुणाने टोकाचा निर्णय घेत आयुष्य संपवलं. या तरुणाने आत्महत्येपूर्वी लिहिलेली १९ पानांची सुसाईड नोट पोलिसांना सापडली तेव्हा त्याच्या आत्महत्येमागचं खरं कारण समोर आले. या सुसाइड नोटमध्ये त्याने अनेक धक्कादायक खुलासे केले आहेत.

मिळालेल्या माहितीनुसार, ही घटना ८ फेब्रुवारी रोजी घडली होती. सीताराम रेड्डीने हैदराबादच्या हुसैन सागर तलावात उडी मारून आत्महत्या केली. या प्रकरणाचा तपास करत असताना पोलिसांना या तरुणाने लिहिलेली १९ पानांची सुसाईड नोट सापडली. यामध्ये त्याने बायकोवर आत्महत्येस प्रवृत्त केल्याचे आरोप केले आहेत. बायकोचे अनेकांसोबत विवाहबाह्य संबंध होते. याच त्रासाला कंटाळून या तरुणाने आत्महत्या केली. या प्रकरणी पोलिसांनी इंजिनिअरची बायको आणि तिच्या बॉयफ्रेंडला अटक केली.

३६ वर्षीय सीताराम रेड्डी हा हैदराबादमधील एका आयटी कंपनीत इंजिनिअर म्हणून काम करत होता. सीताराम आणि त्याच्या बायकोला दोन मुलं आहेत. त्यांचा संसार सुरळीत सुरू होता. पण बायकोच्या विवाहबाह्य संबंधामुळे दोघांमध्ये सतत भांडणं होत होती. आत्महत्येपूर्वी त्याने १९ पानांची सुसाइड नोट लिहिली होती. यामध्ये त्याने गेल्या १८ महिन्यांपासून बायकोचे अनेक पुरुषांशी विवाहबाह्य संबंध असल्याचा गंभीर आरोप केला आहे. त्यामुळे तो मानसिक तणावाखाली होता.

त्याच्या बायकोचा एक प्रायव्हेट व्हिडीओ सोशल मीडियावर व्हायरल झाला होता. बायकोच्या रमण्णा नावाच्या एका मित्राने हा व्हिडीओ सोशल मीडियावर पोस्ट केला होता. सीतारामने तो व्हिडिओ इन्स्टाग्रामवर पाहिला होता. हा व्हिडीओ पाहून त्याच्या पायाखालची जमीन सरकली. बायकोच्या या कृत्यामुळे होणारा मानसिक त्रास आणि सामाजिक बदनामी सहन होत नसल्याचे त्याने आत्महत्या केली. या घटनेमुळे हैदराबादमध्ये खळबळ उडाली.