2010 मध्ये नेमानी प्रणव आणि त्यांची बहीण सुचिता यांनी त्यांचे वडील मोहन यांच्यासह आंध्र प्रदेशातील यू कोथापल्ली समुद्रकिनाऱ्याला भेट दिली. त्यांनी सत्ताय्या नावाच्या एका शेंगदाणा विक्रेत्याकडून शेंगदाणे विकत घेतले होते आणि ते खरेदी केल्यानंतर मोहनला लक्षात आले की आपल्याकडे पैसे नाहीत.

सत्ताय्याने त्यांना फुकटात शेंगदाणे खायला दिले. मात्र, मानी प्रणव यांनी त्या शेंगदाणा विक्रेत्याला पैसे देण्याचे आश्वासन दिले आणि त्यांसोबत फोटोही काढला. ते युनायटेड स्टेट्समध्ये राहणारे NRI असल्याने त्यांना या शेंगदाण्याचे पैसे लवकरच परतफेड करता आले नाही.

हे देखील पहा -

आता, जवळपास 11 वर्षांनंतर, नेमानी आणि त्यांची बहीण सुचिता भारतात परतले आणि त्यांनी त्या शेंगदाणा विक्रेत्याचा शोध घेऊन त्याला परतफेड करण्याचा निर्णय घेतला. त्यांचे वडील मोहन पैसे परत करण्यास उत्सुक होते आणि त्यांनी त्या शेंगदाणा विक्रेत्याचा शोध घेण्यासाठी त्यांचे मित्र काकीनाडा शहराचे आमदार चंद्रशेखर रेड्डी यांची मदत घेतली.

आमदाराने फेसबुकवर शेंगदाणा विक्रेत्याची एक पोस्ट टाकली. नागुलापल्ली या त्यांच्या मूळ गावातील काही लोकांनी आमदारांच्या पोस्ट पहिली आणि त्यांच्याशी संपर्क साधला आणि त्यांना सांगितले की तो शेंगदाणा विक्रता आता नाहीत. त्यानंतर या भावंडांनी त्याच्या कुटुंबाला २५ हजार रुपये देण्याचे ठरवले.

Edited By - Shivani Tichkule