ही दृष्य पाहिल्यावर तुम्ही विचार करत असाल माणसांसारखी माणसं अशी कुत्र्यासारखे चाळे का करतायेत.. . हे नेमकं काय सुरुये असा प्रश्न तुम्हाला नक्कीच पडला असेल. आता आम्ही जे पुढे सांगणार आहोत ते ऐकून तुमचा संताप अनावर होईल.. जर तुम्ही शीघ्रकोपी असाल तर मात्र टिव्ही बंद करा.. कारण आता आम्ही जे तुम्हाला सांगणार आहोत ते ऐकून तुमचा संताप अनावर होईल.. होय.. संताप अनावरच होईल..

कारण या होतकरु गरजू तरुणांनी केलेले हे चाळे यांना करायला भाग पाडलंय त्यांच्या मॅनेजरनं.. एका खासगी कंपनीत काम करणाऱ्या गरजूगरीबांना केवळ कामातील टार्गेट पूर्ण झालं नाही म्हणून त्यांना ही जालीम शिक्षा देण्यात आलीये. होय केवळ टार्गेट पूर्ण केलं नाही म्हणून या ४-५ तरुणांना अशी अमानुष शिक्षा देण्यात आलीये.

अमानवी शिक्षा काय दिली ?

मॅनेजरने कर्मचाऱ्यासारंख कुत्र्यासारखं गळ्यात पट्टा घालून फिरवलं. कुत्र्यासारखं पाणी चाटायला लावलं. तसेच कर्मचाऱ्याला अर्धनग्न उभं केलं. माणुसकीच्या सर्व मर्यादा ओलांडून या मॅनेजरनं या तरुणांना दिलेल्या शिक्षेचा हा व्हिडीओ पाहून सर्वत्र संतापाचं वातावरण आहे. केरळमध्ये घडलेला हा प्रकार धक्कादायक आहे.

नोकरीच्या शोधात असणाऱ्या तरुणांचा असा अमानुष शारीरिक आणि मानसिक छळ करण्याचा अधिकार या जल्लादांना कोणी दिला असा सवाल उपस्थित होतोय. त्यामुळे शिक्षा जरी या 4-5 तरुणांना झालेली तरी हा भयंकर व्हिडीओ पाहुन सगळेच सुन्न झालेत. कारण वरवर अलिशान वाटणाऱ्या कॉर्पोरेटचा हा काळा चेहरा या निमित्तानं समोर आलाय.