Sheikh Hasina Elected as Prime Minister of Bangladesh for Fourth Time, Opposition Parties Boycotted Election:

अवामी लीगच्या प्रमुख शेख हसीना यांची चौथ्यांदा बांगलादेशच्या पंतप्रधानपदी निवड झाली. बांगलादेशात मतदान संपले असून मतमोजणी सुरू आहे. मात्र सत्ताधारी अवामी लीगने 50 टक्क्यांहून अधिक जागा काबीज केल्या आहेत.

बांगलादेशच्या सार्वत्रिक निवडणुका रविवारी पार पडल्या. या निवडणुकीवर मुख्य विरोधी बांगलादेश नॅशनलिस्ट पार्टी (BNP) आणि इतर विरोधी पक्षांनी बहिष्कार टाकला होता. दरम्यान, 76 वर्षीय हसीना या 2009 पासून सत्तेत आहेत. यातच पुन्हा एकदा निवडणूक जिंकून त्यांनी सत्ता राखली आहे.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आंतरराष्ट्रीय वृत्तसंस्था एएफपीच्या वृत्तानुसार, मतमोजणी सुरू असून शेख हसीना यांच्या सत्ताधारी अवामी लीगने 50 टक्क्यांहून अधिक जागा काबीज केल्या आहेत. अवामी लीगने लढवलेल्या जागांवर कोणत्याही प्रतिस्पर्ध्याला टिकत आलं नाही. (Latest Marathi News)

गोपालगंज-3 मधून शेख हसीना विजयी

गोपालगंज-3 लोकसभा मतदारसंघातून शेख हसीना यांनी पुन्हा एकदा विजय मिळवला आहे. त्यांना 2,49,965 मते मिळाली, तर त्यांच्या प्रतिस्पर्ध्याला फक्त 469 मते मिळाली.

मतदान सुरू होताच शेख हसीना यांनी भारताबाबत मोठे वक्तव्य केले होते. भारत हा बांगलादेशचा विश्वासू मित्र असल्याचे त्या म्हणाल्या होत्या. आम्ही खूप भाग्यवान आहोत की भारत आमचा मित्र आहे. आमच्या स्वातंत्र्ययुद्धात त्यांनी आम्हाला साथ दिली, असे त्या म्हणाल्या होत्या. 1975 नंतर जेव्हा आम्ही आमचे संपूर्ण कुटुंब गमावले तेव्हा त्यांनी आम्हाला आश्रय दिला. त्यामुळे भारतातील जनतेला आमच्या शुभेच्छा, असंही हसीना म्हणाल्या होत्या.