उत्तर प्रदेशातील मथुरा जिल्ह्यात जमिनीच्या वादातून एक धक्कादायक घटना घडली असून समाजवादी पक्षाचे नेते सेनापती कुंतल यांचा मारहाणीत मृत्यू झाला आहे, अशी माहिती पोलिसांनी दिली आहे. ही घटना रिफायनरी पोलीस ठाण्याच्या हद्दीत घडली. जमिनीच्या वादातून हा प्रकार घडल्याचे सांगितले जात आहे. पोलिसांनी दिलेल्या माहितीनुसार, आरोपीनी कुंतल आणि त्यांच्या मुलावर हल्ला केला, ज्यात दोघेही गंभीर जखमी झाले. जखमी बाप-लेकाला उपचारासाठी रुग्णालयात दाखल करण्यात आले. मात्र उपचारादरम्यान सेनापती कुंतल यांचा मृत्यू झाला. तर त्यांचा मुलगा सध्या उपचार घेत आहे.
या प्रकरणात तक्रार दाखल झाल्यानंतर पोलिसांनी आरोपींचा शोध घेण्यासाठी धाडी टाकल्या. याच दरम्यान पोलिस आणि आरोपींमध्ये चकमक झाली. या चकमकीत मुख्य आरोपी योगेंद्र पहलवान याच्या दोन्ही पायांवर गोळी लागली असून त्याला ताब्यात घेण्यात आले आहे. त्यानंतर त्याला जिल्हा रुग्णालयात उपचारासाठी दाखल करण्यात आले. तसेच दुसरा आरोपी समय सिंग यालाही घटनास्थळावरून अटक करण्यात आली आहे.
पोलिसांनी आरोपींकडून एक कार, लोखंडी रॉड, दोन देशी बनावटीची पिस्तुलं, तसेच जिवंत आणि वापरलेल्या काडतुसे जप्त केली आहेत. या प्रकरणाचा अधिक तपास सुरू असून हल्ल्यामागील नेमके कारण आणि इतर आरोपींचा सहभाग याबाबत पोलिस अधिक चौकशी करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.