शनिवारी चामराजनगर जिल्हातील कोल्लेगलजवळ जालेल्या अपघातात पाच जणांचा जागीच मृत्यू झालाय.

मांड्या आणि म्हैसूर येथील पाच अभियांत्रिकी महाविद्यालयीन विद्यार्थ्यांचा एक गट माले महादेश्वर हिल्स (एमएम हिल्स) येथे 'रथोत्सव' पाहण्यासाठी जात असताना त्यांचा अपघात झाला. कोल्लेगलहून एमएम हिल्सकडे जाणाऱ्या राज्य महामार्गावरील चिक्किंदुवाडी गावाजवळ त्यांच्या कारची समोरून येणाऱ्या मालवाहू वाहनाशी जोरदार धडक झाली.

अपघातातील दोन्ही वाहने महामार्गावरून घसरून रस्त्याच्या कडेला असलेल्या शेतात जाऊन पडली. या भीषण अपघातात कारमधील पाचही प्रवाशांचा जागीच मृत्यू झाला. मृतांमध्ये दोन मुलींचा समावेश होता. दरम्यान, मालवाहू वाहनाचा चालक अपघातानंतर वाहन सोडून पळून गेला.

नितीन (२२), सुहास (२१), श्रेयस शेट्टी (२३), श्रीलक्ष्मी (२३) आणि लिखिता (२२) अशी मृतांची नावे आहेत.

स्थानिकांकडून माहिती मिळताच, कोल्लेगल ग्रामीण पोलिस ठाण्यातील पोलिसांनी घटनास्थळी धाव घेतली. स्थानिकांच्या मदतीने मृतदेह कारमधून बाहेर काढण्यात आले. त्यानंतर मृतदेह शवविच्छेदनासाठी कोल्लेगल सरकारी रुग्णालयात पाठवण्यात आले.

कोल्लेगल ग्रामीण पोलिस ठाण्यात गुन्हा दाखल करण्यात आला असून या प्रकरणाचा तपास सुरू आहे.

चामराजनगरच्या पोलिस अधीक्षक बी. टी. कविता आणि इतर वरिष्ठ पोलिस अधिकाऱ्यांनी अपघातस्थळी भेट देऊन परिस्थितीचा आढावा घेतला.

Edited By - Purva Palande