नवी दिल्ली : रेस्टॉरंटच्या बिलातील ग्राहक सेवा शुल्कासंबंधित नवीन माहिती समोर आली आहे. आता रेस्टॉरंटमध्ये सर्व्हिस चार्ज (Service Charge) हा इतर कोणत्याही नावाने वसूल केला जाऊ शकत नाही. ग्राहक सेवा शुल्क हा जेवण्याचा बिलामध्ये जोडला जाऊ शकत नाही. तसेच ग्राहक सेवा शुल्कावर जीएसटी देखील आकारला जाऊ शकत नाही. ग्राहक सेवा शुल्कावरून अनेक वाद समोर आले होते. त्यानंतर राष्ट्रीय ग्राहक संरक्षण प्राधिकरणाच्या निर्देशानंतर हॉटेल आणि रेस्टॉरंटमध्ये ग्राहक सेवा शुल्क आकारण्यावर बंदी घातली आहे. ( Hotel restaurants service Charge News In Marathi )

केंद्र सरकारच्या राष्ट्रीय ग्राहक संरक्षण प्राधिकरणाच्या आदेशात म्हटले आहे की, हॉटेल (Hotel) आणि रेस्टॉरंटच्या बिलात ग्राहक सेवा शुल्क जोडता येणार नाही. ग्राहक सेवा शुल्कावर जीएसटी देखील आकारला जाऊ शकत नाही. मात्र काही हॉटेल आणि रेस्टॉरंटमध्ये ग्राहक सेवा शुल्क वसूल केला जात होता. त्यामुळे यासंबंधित अनेक तक्रारी पुढे आल्या होत्या. त्यानंतर राष्ट्रीय ग्राहक संरक्षण प्राधिकरणाने रेस्टॉरंट मालकांना ग्राहक सेवा शुल्क आकारण्यावर बंदी घातली आहे. रेस्टॉरंट किंवा हॉटेलकडून ग्राहक सेवा शुल्क आकारल्यास त्या विरोधात १९१५ या क्रमांकावर तक्रार देखील करता येणार आहे.

ग्राहक सेवा शुल्क काय असतो ?

ग्राहक कोणतीही वस्तू किंवा सेवा विकत घेतल्यास त्याच्या बदल्यात पैसे मोजावे लागतात. त्याला ग्राहक सेवा शुल्क म्हणतात. याच प्रकारचा ग्राहक सेवा शुल्क हा रेस्टॉरंट आणि हॉटेलमध्ये देखील आकारला जातो. हॉटेल किंवा रेस्टॉरंटमध्ये जाणारे अनेक ग्राहक न विचारता ग्राहक सेवा शुल्क देतात.

किती ग्राहक सेवा शुल्क आकारला जातो ?

ग्राहक सेवा शुल्क हा हॉटेल किंवा रेस्टॉरंटच्या बिलामध्ये सर्वात खाली लिहिला जातो. ग्राहक सेवा शुल्क हा ५ टक्के आकारला जातो.