HIV Treatment News :

HIV विरोधात अथक प्रयत्न केल्यानंतर तज्ज्ञांना मोठं यश आलं आहे. 'एचआयव्ही'वर मुळापासून उपचार मिळविण्यासाठी नवा उपाय शोधला आहे. एचआयव्ही एक गंभीर आजार आहे. एचआयव्ही आजारामुळे इम्यून सिस्टम खराब होते. एचआयव्ही हा जीवेघणा आजार आहे. (Latest Marathi News)

मीडिया रिपोर्टनुसार, एचआयव्ही आजारावर उपाय शोधण्याचा कारनामा एम्सटर्डम विश्वविद्यालयाच्या वैद्यकीय तज्ज्ञांनी केला आहे. शास्त्रज्ञांनी CRISPR या नावाची टेक्निक वापरून एचआयव्हीवर उपाय मिळविण्याच्या दिशेने मोठं पाऊल टाकलं आहे. या टेक्निकला मॉलिक्यूलर सीजर या नावाने ओळखलं जातं.

सध्या एचआयव्ही आजारावर फक्त नियंत्रण मिळविण्यास यश मिळत होतं. मात्र, या आजारावर मुळापासून सुटका मिळत नव्हती. आता या आजारापासून सुटका मिळविण्यासाठी वैद्यकीय शास्त्रज्ञांनी उपाय शोधला आहे. याबाबत एम्सटर्डम विश्वविद्यालयाच्या वैद्यकीय शास्त्रज्ञांनी मेडिकल परिषद घेऊन माहिती दिली. मात्र, संशोधनाच्या माध्यमातून कोणताही तातडीने उपचार केला जाणार नाही. यावर आणखी संशोधन करण्यात येत आहे. संशोधन किती प्रमाणात उपयोगी आहे, याबाबत लवकरच माहिती मिळणार आहे.

नॉटिंघम विश्वविद्यालयामध्ये स्टेम सेल आणि जीन थेरेपी टेक्नोलॉजीचे सहायक प्राध्यापक डॉ. जेम्स डिक्सन यांचं या संशोधनावर म्हणणं आहे की, 'एचआयव्हीवर CRISPR चा उपयोग किती होतो, यासाठी पुन्हा एकदा मूल्यांकन करावं लागेल'.

डॉक्टर डिक्सन पुढे म्हणाले की, 'स्टडी जीन एडिटिंग टेक्निकचा एचआयव्हीच्या विषाणूवर मुळापासून मात करण्याचा प्रयत्न करते. या संशोधनावर अधिक अभ्यास करण्याची गरज आहे. माणसाच्या शरीरावर याचा काय परिणाम होतो, हे पाहावे लागेल',