राजीव गांधी खेलरत्न पुरस्काराचे नाव बदलून मेजर ध्यानचंद खेलरत्न पुरस्कार ठेवण्यात आले आहे,  पंतप्रधान नरेंद्र मोदींनी यासंदर्भात ट्वीट करून माहिती दिली, मोदींच्या या निर्णयावर आता सर्व स्तरातून प्रतिक्रिया येत आहेत, काँग्रेसने पंतप्रधान मोदींच्या या निर्णयावर खोचक प्रतिक्रिया व्यक्त केली आहे, काँग्रेसचे ज्येष्ठ नेते आणि उत्तर प्रदेशचे माजी मुख्यमंत्री दिग्विजय सिंह यांनी यासंदर्भात ट्वीट करुन पंतप्रधान मोदींवर उपहासात्मक टीका केली आहे.

हे देखील पहा-

दिग्विजय सिंह यांनी आपल्या ट्वीट मध्ये म्हटले आहे की, आधी अहमदाबादच्या सरदार पटेल क्रिकेट स्टेडियमचे नाव बदलून नरेंद्र मोदी स्टेडियम केले. मला आश्चर्य वाटले, जेव्हा त्यांनी मेजर ध्यानचंद जीच्या नावे राजीव गांधी खेलरत्न पुरस्काराचे नाव ठेवले, मला तर अपेक्षा होती ते राजीव गांधी खेलरत्न पुरस्काराचे नाव बदलून नरेंद्र मोदी खेलरत्न पुरस्कार ठेवतील. यालाच इंग्रजीमध्ये Megalomania म्हणतात असे ट्वीट दिग्विजय सिंह यांनी केल्याने ते चर्चेत आले आहे.

पंतप्रधान नरेंद्र मोदी यांनी राजीव गांधी खेलरत्न पुरस्काराचे नाव बदलून मेजर ध्यानचंद खेलरत्न पुरस्कार असे ठेवण्याचा निर्णय घेतला आहे. आपल्या अधिकृत ट्विटर अकाऊंटवर ट्विट करत याची घोषणा केली आहे.  पंतप्रधान नरेंद्र मोदींनी सोशल मीडियाच्या माध्यमातून देशाला संदेश दिला आहे.  "राजीव गांधी खेलरत्न पुरस्काराचे नाव मेजर ध्यानचंद खेलरत्न पुरस्कार असे करण्यासाठी माझ्याकडे देशभरातील अनेक नागरिकांनी विनंती केली होती. त्यांच्या भावनांचा आदर म्हणून आजपासून खेलरत्न पुरस्काराचं नाव मेजर ध्यानचंद खेलरत्न पुरस्कार असे केले जात आहे."  

Edited By- Ashwini Jadhav- Kedari