राजस्थानच्या माजी मुख्यमंत्री वसुंधरा राजे यांच्या ताफ्यातील एका कारला अपघात झालाय. वसुंधरा या पाली जिल्ह्यातील बाली तालुक्यातील मुंदरा येथे गेल्या होत्या आणि तेथून परतत असताना हा अपघात झाला. या अपघातात सहा पोलीस जखमी झाले आहेत. दरम्यान अपघाताची याची माहिती वसुंधरा राजे यांना समजताच त्यांनी लागलीच सर्वांना रुग्णालयात पाठवले तसेच स्थानिक आमदारांनी रुग्णालयात पोहोचून जखमींची विचारपूस केली.

प्राथमिक उपचारानंतर पोलिसांना घरी सोडण्यात आले आहे. मिळालेल्या माहितीनुसार, राजस्थानच्या माजी मुख्यमंत्री वसुंधरा राजे त्यांच्या ताफ्यासह पाली जिल्ह्यातील बाली तहसीलच्या मुंदरा गावात गेल्या होत्या. त्या मंत्री ओतराम देवासी यांच्या घरी गेल्या होत्या. ओतराम देवासी यांच्या आईचे काही दिवसांपूर्वी निधन झाले होते. त्यांचे सांत्वन करण्यासाठी आणि त्यांच्या दुःखात सहभागी होण्यासाठी वसुंधरा रविवारी त्यांच्या घरी पोहोचल्या होत्या.

मंत्री ओताराम यांच्या घरातून त्या परतत असताना वसुंधरा राजे यांच्या ताफ्यातील एका कारला अचानक अपघात झाला. अपघातग्रस्त झालेली कार ताफ्यासह जात होती. त्यावेळी या कारला अपघात झाला. वसुंधरा यांच्या सुरक्षेसाठी तैनात असलेले पोलीस त्या कारमध्ये बसले होते. जीप उलटल्यानंतर काफिला थांबला आणि वसुंधरा यांना याची माहिती देण्यात आली.

काही दिवसापूर्वी राजस्थानचे मुख्यमंत्री भजनलाल यांच्या ताफ्याचा देखील अपघात झाला होता. काही दिवसापूर्वी राजस्थानचे मुख्यमंत्री भजनलाल यांच्या ताफ्याचा देखील अपघात झाला होता. ताफ्यातील एक वाहन उलटल्याने हा अपघात झाला होता. यात 5 पोलिसांसह 7 जण जखमी झाले होते. सीएम भजनलाल शर्मा यांनी स्वतः सर्व जखमींना रूग्णालयात दाखल केलं होतं.

राज्यसभेचे उपाध्यक्ष जगदीप धनखड हे जयपूरमधील श्री सोहन सिंग मेमोरियल स्किल डेव्हलपमेंट सेंटरचे उद्घाटन कार्यक्रमासाठी जाणार होते. मुख्यमंत्री भजनलाल शर्मा हे देखील उपराष्ट्रपतींच्या उद्घाटन समारंभाला उपस्थित राहणार होते. मात्र त्याआधीच त्यांच्या ताफ्याच्या गाडीला अपघात झाला होता.