सोनम रघुवंशीने मेघालयाच्या शिलाँगमध्ये पती राजा रघुवंशीची हत्या केली. त्याच ठिकाणी पोलिसांनी सोनमला नेण्याची तयारी सुरु केली आहे. सूत्रांच्या माहितीनुसार, सोनमला मध्यरात्री शिलाँगला नेलं जाणार आहे. राजा रघुवंशी हत्या प्रकरण मेघालय पोलिसांकडून हाताळलं जात आहे. तर इंदूरच्या पोलिसांकडून सहकार्य केलं जात आहे. मेघालय कोर्टात संपूर्ण प्रकरण चालवण्यात येणार आहे.

राजा रघुवंशीची बायको सोनम ही मेघालयातील शिलाँगमध्ये नेलं जाणार आहे. मेघालय पोलिसांना सोनम रघुवंशीचा तीन दिवसांचा ट्रांजिट रिमांड मिळाला आहे. सूत्रांच्या माहितीनुसार, मेघालय पोलीस सोनमला तिथेच घेऊन जाणार आहेत. या व्यतिरिक्त राजा रघुवंशीची आई उमा यांनी माध्यमांशी बोलताना म्हटलं की, मी सोनमला विचारणार की, त्यादिवशी राजासोबत काय झालं? त्यानंतर उमा यांनी पुन्हा दोषींना कडक शिक्षा व्हावी अशी मागणी केली.

सोनमने राजाची हत्या केली, यावर रघुवंशी कुटुंब विश्वास करत नव्हतं. मात्र, हळूहळू या प्रकरणाचे धागेदोरे उलगडत गेले. काही दिवसांनी राजा रघुवंशीची हत्या सून सोनम रघुवंशीने केल्याचे पोलीस तपासात उघड झालं. पती राजा रघुवंशीची हत्या केल्यानंतर सोनम इंदूरमध्ये दिसली होती. सोनम तिच्या बॉयफ्रेंडसोबत तिथे आली होती.

राजा आणि सोनम हनीमूनसाठी २० मे रोजी मेघायलला गेले होते. त्यांच्याजवळ रिटर्न तिकीट नव्हतं. त्यांनी रिटर्न तिकीट काढलं नव्हतं. दुसरीकडे या दोघांचा पाठलाग ३ आरोपी करत होते. आरोपी बॉयफ्रेंड राजने त्यांना आधी गुवाहाटीला पाठवलं. तिथेच त्यांनी कुऱ्हाड खरेदी केली. त्यानंतर ते शिलाँगला पोहोचले. आरोपी त्यांच्या हॉटेलजवळच थांबले होते. सोनमच्या साथीने तिघांनी राजा रघुवंशीची हत्या केली. त्यानंतर राजाचा मृतदेह खोल दरीत फेकून दिला.

दरम्यान, राजा रघुवंशीच्या आईने दोषींवर कठोर कारवाईची मागणी केली आहे. या प्रकरणी पोलिसांनी कारवाईचा सपाटा लावला आहे. पोलिसांच्या तपासात आणखी खुलासा होणार आहे. त्यात पोलीस मध्यरात्री सोनमला शिलाँगला घेऊन जाणार आहेत. या प्रकरणाची आणखी माहिती हाती येणार असल्याचं बोललं जात आहे.