राज्यात सध्या कोणतीही निवडणूक तोंडावर नसताना काँग्रेस पक्षानं आपली रणनीती पूर्णपणे बदललीय.. पक्षाने थेट 'अलर्ट मोड'वर येत सत्ताधाऱ्यांना इशारा दिलाय...राहुल गांधी 2 दिवसीय महाराष्ट्र दौऱ्यावर आहेत. नाशिकमध्ये 10 दिवसीय विशेष निवासी प्रशिक्षणाचं आयोजन काँग्रेसनं केलयं... त्यामुळे जेन झींना सोबत घेऊन राहुल गांधी आता शड्डू ठोकणार असल्याची चर्चा आहे...आणि त्याला कारण ठरलयं...राहुल गांधींच्या उपस्थित होणारं सृजन अभियान... हे अभियान नेमकं काय आहे? आणि राहुल गांधी महाराष्ट्रातील तरुणांशी कसं कनेक्ट होणार आहेत...पाहूयात..

काँग्रेसनं नाशिकमध्ये 10 दिवसाचं सृजन अभियान सृजन अभियानाचं आयोजन केलयं... या अभियानात GEN Zच्या प्रश्नांवर विशेष भर दिला जाणार आहे... देशभरातील तरुणांना पक्षाशी जोडून घेण्यासाठी काँग्रेसनं ही रणनिती आखलीय... विशेष म्हणजे या अभियानासाठी राहुल गांधी नाशिक दौऱ्यावर येणार आहेत. ते GEN-Z सोबत संवाद साधतील..तसचं राहुल गांधी काळाराम मंदिर, त्र्यंबकेश्वर ज्योतिर्लिंगाचं दर्शन घेणार असल्याचीही माहिती आहे...

जंतरमंतरवरील विद्यार्थ्यांच्या आंदोलनाने केंद्र सरकारला आधीच हादरवून सोडलयं... पावसाळी अधिवेशनातही विरोधकांच्या आक्रमकतेमुळे सत्ताधाऱ्यांना बॅकफूटवर जावे लागले होते...अशातच राहुल गांधी नाशिकमध्ये दौरा करून GEN-Z शी संवाद साधणार असल्यानं भाजपही सतर्क झालीय. भाजपनं या अभियानावर टीका केलीय.

काँग्रेसने आखलेली ही नवी रणनीती आणि 'जेन झी'ला पक्षाशी जोडून घेण्यासाठी काँग्रेसनं घेतलेला हा पवित्रा येत्या काळात राजकारणाला कलाटणी देणारा ठरू शकतो.. याआधी 'छात्रो की गुंज' कार्यक्रमातून राहुल गांधींनी देशातील तरुणांना थेट व्यासपीठावर आपल्या समस्या मांडण्याची संधी दिल्यानं तरुणांनी सरकारविरोधातील रोष उघडपणे व्यक्त केलाय.. अशातच नाशिकमधील तरुणाई राहुल गांधींच्या दौऱ्याला आणि संवाद सभेला कसा प्रतिसाद देत हे पाहणं महत्त्वाचं आहे...