काँग्रेस नेते राहुल गांधी यांनी शेतकऱ्यांच्या मुद्द्यांवरून केंद्र सरकारवर जोरदार हल्लाबोल केला आहे. तुम्ही एफआयआर करा किंवा विशेषाधिकार प्रस्ताव आणा. मी शेतकऱ्यांच्या अधिकारासाठी लढत राहील. राहुल गांधी यांनी सोशल मीडियावर पोस्ट करत केंद्र सरकारला ठणकावलं आहे. शेतकरी देशाचा पाया आहे असून भारताची अन्न सुरक्षा शेतकऱ्यांवर अवलंबून आहे, अशा शब्दात राहुल गांधींनी सरकारवर टीका केली.

'मोदी सरकारने अमेरिकेशी करार केला आहे. या करारामुळे शेतकऱ्यांचं मोठं नुकसान होणार आहे. या करारामुळे कापूस, सोयाबीन, सफरचंद या फळ उत्पादक शेतकऱ्यांना उदारनिर्वाहापासून वंचित राहावे लागणार आहे. देशाची अन्न सुरक्षा धोक्यात येऊ शकते, असा दावा राहुल गांधी यांनी केला आहे. मोदींनी केलेला करार हा शेतकरीविरोधी आहे,असेही त्यांनी म्हटलं आहे.

'गेल्या बऱ्याच काळापासून परदेशी शक्ती कृषी बाजारपेठेवर कब्जा करण्याचा प्रयत्न करत आहे. त्यांच्यासाठी मोदी सरकारने दरवाजे उघडे केले आहेत. अमेरिकेतली शेतकऱ्यांकडे हजारो एकर जमीन आणि सरकारी अनुदान मिळतं. तर भारतामधील शेतकरी कमी एकरावर शेती करतात. त्यात त्यांना किमान आधारभूत किंमत मिळत नाही, असे राहुल गांधी म्हणाले.

'नरेंद्र मोदी उद्योजकांना फायदा पोहोचवतात, असा आरोप देखील राहुल गांधी यांनी केला. सरकारने आधी वादग्रस्त कृषी कायदे आणले होते. आता बड्या उद्योजकांना कृषी क्षेत्र खुलं करण्याचा प्रयत्न सुरू आहे. आम्ही संसदेत शेतकऱ्यांशी संबंधित मुद्दे उचलत राहू. आमच्याविरोधात कोणतीही कारवाई झाली तर हरकत नाही, असे राहुल गांधी यांनी सांगितले.

'काँग्रेस अध्यक्ष मल्लिकार्जुन खरगे, पक्षाचे वरिष्ठ नेते आणि कार्यकर्ते शेतकऱ्यांसोबत उभे आहेत. आम्ही अन्याय सहन करणारन नाही. शेतकऱ्यांच्या समर्थनात आम्ही एक इंच देखील मागे हटणार नाही, असे राहुल गांधी यांनी ठणकावून सांगितले.