Priyanka Gandhi Hospitalized:

काँग्रेस नेत्या प्रियांका गांधी यांची प्रकृती अचानक बिघडल्याने त्यांना रुग्णालयात दाखल करण्यात आले आहे. प्रकृती अस्वास्थ्यामुळे त्यांना दाखल करण्यात आल्याचे सांगण्यात येत आहे.

आज त्या उत्तर प्रदेशातील चंदौली येथील भारत जोडो न्याय यात्रेला राहणार होत्या. मात्र प्रकृती अस्वास्थ्यामुळे त्यांना त्यांचे नियोजित कार्यक्रम रद्द करावे लागले आहेत. याबाबत त्यांनी स्वतः ट्विटरवर पोस्ट करत माहिती दिली आहे. त्यांनी ट्विटरवर पोस्ट करत म्हणाल्या आहेत की, माझी तब्येत बारी झाल्यावर मी भारत भारत जोडो न्याय यात्रे सहभागी होणार. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्रियांका गांधी यांनी ट्विट केले की, "भारत जोडो न्याय यात्रेची उत्तर प्रदेशात पोहोचण्याची मी आतुरतेने वाट पाहत होते. पण आजारपणामुळे मला आजच रुग्णालयात दाखल व्हावे लागले. मला बरे वाटल्यावर मी या यात्रेत सामील होईन. तोपर्यंत चंदौली-बनारसला पोहोचणाऱ्या माझ्या सहकाऱ्यांना आणि उत्तर प्रदेशातील प्रिय बंधू जे यात्रेत सहभागी होण्याची तयारी करत आहेत. त्यांना मी शुभेच्छा देते.'' (Latest Marathi News)

दरम्यान, भारत जोडो न्याय 16 फेब्रुवारीला वाराणसी मार्गे उत्तर प्रदेशमध्ये प्रवेश करेल आणि नंतर भदोही, प्रयागराज आणि प्रतापगड मार्गे 19 फेब्रुवारीला अमेठीला पोहोचेल. 19 फेब्रुवारी रोजी राहुल गांधी अमेठी लोकसभा मतदारसंघातील गौरीगंज येथे जाहीर सभेला संबोधित करणार आहेत. ही यात्रा दुसऱ्या दिवशी रायबरेलीला पोहोचेल तेथून ती लखनौला जाईल जिथे राहुल गांधी आणि इतर सहभागी रात्री मुक्काम करतील.

रायबरेली ही उत्तर प्रदेशातील एकमेव लोकसभेची जागा आहे, जी काँग्रेसकडे आहे. सध्या सोनिया गांधी या मतदारसंघातून लोकसभेच्या खासदार आहेत. 2019 च्या लोकसभा निवडणुकीत राहुल गांधींना केंद्रीय मंत्री स्मृती इराणी यांच्याकडून अमेठीची जागा गमवावी लागली होती.