प्रसिद्ध निवडणूक विश्लेषक आणि जनसुराज पक्षाचे प्रमुख प्रशांत किशोर यांना पाटणा येथील खासगी रूग्णालयातील आयसीयूमध्ये दाखल करण्यात आलंय. गेल्या अनेक दिवसांपासून बीपीएससी परीक्षा लीक प्रकरणात कारवाईच्या मागणीसाठी बेमुदत उपोषणाला बसले होते. त्यानंतर त्यांना पोलिसांनी ताब्यात घेत अटक करण्यात आली होती. त्यानंतर त्यांना जामीनही मिळाला होतं. मात्र, घरी गेल्यानंतर त्यांची आणखीन तब्येत खालवली. त्यांना तातडीनं रूग्णालयात दाखल करण्यात आलं आहे.

डॉक्टरांनी या संदर्भात त्यांच्या प्रकृतीची माहिती दिली आहे. प्रशांत किशोर यांच्या यांना घशासंबंधित त्रास आहे. रूग्णालयात जाण्यापूर्वी त्यांनी आमरण उपोषण सुरूच राहील असं सांगितलं होतं. ते फक्त पाणी पीत होते. आज ७ डिसेंबरला सत्याग्रह समितीची बैठक झाली. त्यात आंदोलन सुरूच राहणार हा निर्णय घेण्यात आला आहे.

सोमवारी ४ वाजेच्या सुमारास पोलिसांनी प्रशांत किशोर यांना गांधी मैदानावरून ताब्यात घेतलं. त्यानंतर पाटणा पोलिसांनी आंदोलनस्थळावरून आंदोलकांना जायला सांगितलं. पोलिसांनी ही कारवाई केली, तेव्हा प्रशांत किशोर हे त्यांच्या समर्थकांसह आंदोलनस्थळी झोपले होते. पोलिसांनी ताब्यात घेतल्यानंतर, न्यायालयानं प्रशांत किशोर यांना सशर्त जामीन मंजूर केला.

मात्र, त्यांनी तो मान्य केला नाही. त्यानंतर न्यायालयाने कोणत्याही अटीशिवाय जामीन मंजूर केला. त्यानंतर ते तुरुंगातून बाहेर आले आणि त्यांच्या निवास्थानी गेले. घरी गेल्यानंतर त्यांची प्रकृती बिघडली आणि त्यांना रूग्णालयात दाखल करण्यात आला आहे.

तुरूंगात जाण्यापूर्वी प्रशांत किशोर काय म्हणाले?

'आपल्याला थांबायचे नाहीये. जर थांबलो तर सरकारला बळ वाढल्यासारखं वाटेल. त्यामुळे जामीन पण घ्यायचा नाही आणि उपोषण पण तोडायचे नाही. प्रशासनाला जे काही करायचे आहे, ते त्यांना करू द्या. प्रशासनाला वाटलं त्यांना अटक करू, नंतर जामीन दिल्यानंतर विषय संपेल. पण आपण माघार घ्यायची नाही.' असं तुरूंगात जाण्यापूर्वी प्रशांत किशोर म्हणाले होते.