नवी दिल्ली - पंतप्रधान नरेंद्र मोदी यांचे ट्विटर अकाऊंट हॅक झाले आहे. पीएमओ कार्यालयाकडून याबाबत माहिती देण्यात आली आहे. हॅक झालेल्या वेळेत मोदी यांच्या अकाऊंटवरून काही ट्विट केले असेल तर त्याकडे दुर्लक्ष करा, असे सांगण्यात आले आहे. या घटनेमुळे सायबर सुरक्षेवर पुन्हा एकदा प्रश्नचिन्ह निर्माण झाले आहे.

अकाऊंट हॅक केल्यानंतर काही वेळातच हॅकर्सनी क्रिप्टोकरन्सीला प्रोत्साहन देणारे एक ट्वीट केले होते. काहीवेळानंतर हे ट्वीट डिलीट करण्यात आले.मोदींच्या अकाऊंटवरून मध्यरात्री २ वाजून ११ मिनिटांनी बीटकॉईन संबंधित एक ट्विट करण्यात आले आहे. भारताने बीटकॉईनला कायदेशीर मान्यता दिली आहे. सरकारने ५०० बीटकॉईनची खरेदी केली असून देशवायिसांना दिले जाणार आहे,असे या ट्विटमध्ये सांगण्यात आले आहे.