पंतप्रधान मोदी यांनी आपल्या ७४ व्या वाढदिवशी देशातील २४ लाख महिलांना रिटर्न गिफ्ट दिलंय. पंतप्रधान मोदींनी ओडिशामध्ये सुभ्रद्रा योजना सुरू केली आहे. योजनेच्या अंतर्गत २५ लाख महिलांना ५००० रुपयांचा पहिला हप्ता दिलाय.

सुभ्रद्रा योजना योजना महिलांच्या सशक्तीकरणासाठी ओडिशा सरकारने सुरू केलीय. भुवनेश्वरमध्ये एका भव्या या योजनेच्या अंतर्गत १ कोटी पेक्षा जास्त महिलांना पुढील वर्षांसाठी प्रत्येक वर्षाला १०,००० हजार रुपये दिले जाणार आहे. पंतप्रधान मोदींनी मुख्यमंत्री मोहन माझी, राज्यपाल रघुबर दास, केंद्रीय शिक्षण मंत्री धमेंद्र प्रधान आणि ओडिशा सरकारचे इतर मंत्री यावेळी उपस्थित होते. मंगळवारी २५ लाखांहून अधिक महिलांना सुभद्रा योजनेअंतर्गत ५००० रुपयांचा पहिला हप्ता मिळाला आहे.

'ओडिशासाठी मोदींची हमी' अंतर्गत सुभद्रा योजना हे भाजपच्या जाहीरनाम्यातील प्रमुख वचन होतं. मोदींची हमी या प्रचाराने भाजपने या वर्षी जूनमध्ये राज्यात प्रथमच स्वबळावर सरकार स्थापन केलं. निवडणुकीच्या जाहीरनाम्यात भाजपनं ही योजना लागू करण्याची घोषणा केली होती. सरकारच्या मते, २१ ते ६० वर्षे वयोगटातील एक कोटी महिलांना पाच वर्षांत ५०,००० रुपयांची रोख मदत द्यायची आहे. या योजनेसाठी राज्य सरकारने ५५००० कोटी रुपयांच्या खर्च केलाय.

रेल्वे प्रकल्पांनाही हिरवा कंदील

भुवनेश्वर येथे पीएम मोदींनी प्रधानमंत्री आवास योजना-अर्बनच्या लाभार्थीची त्यांच्या घरी भेट घेतली. याआधी पंतप्रधान मोदी यांनी व्हच्युअलपणे १००० कोटी रुपयांच्या नॅशनल महामार्गाच्या प्रकल्पांचा शिलान्यास केला. तसेच पंतप्रधान मोदींनी प्रधानमंत्री आवास योजना-ग्रामीणच्या अंतर्गत १४ राज्यांना साधरण १३ लाख लाभार्थ्यांना आर्धिक मदतीचा पहिला हप्ता दिला. २६ लाख PMAY लाभार्थ्यांना त्यांच्या घराच्या चाव्या देण्यात आल्या.