नवी दिल्ली : जागतिक बाजारात कच्च्या तेलाच्या किमती गेल्या 24 तासांत प्रति बॅरल सुमारे तीन डॉलरने घसरल्या आहेत. याचा परिणाम गुरुवारी सकाळी देशांतर्गत बाजारात पेट्रोल Petrol) आणि डिझेलच्या किरकोळ किमतींवर झाला. सरकारी तेल कंपन्यांनी आज सकाळी उत्तरप्रदेशातील अनेक शहरांमध्ये पेट्रोल आणि डिझेलचे दर कमी केले आहेत. तर बिहारमध्ये इंधनाच्या दरात वाढ करण्यात आली आहे. (Petrol Diesel Price In Mumbai)

सरकारी तेल कंपन्यांनी जारी केलेल्या दरानुसार, आज सकाळी गौतम बुद्ध नगर जिल्ह्यात (नोएडा-ग्रेटर नोएडा) पेट्रोल 35 पैशांनी 96.65 रुपये प्रति लिटर आणि डिझेल (Diesel) 32 पैशांनी 89.82 रुपये प्रति लिटरने विकले जात आहे. उत्तरप्रदेशची राजधानी लखनऊमध्ये पेट्रोलचा दर 13 पैशांनी घसरून 96.44 रुपये प्रति लिटर आणि डिझेलचा दर 12 पैशांनी घसरून 89.64 रुपये प्रति लिटर झाला आहे.

दुसरीकडे, मुंबई दिल्लीसारख्या देशातील चारही महानगरांमध्ये आजही पेट्रोल आणि डिझेलच्या दरात कोणताही बदल करण्यात आलेला नाही. याव्यतिरिक्त बिहारची राजधानी पटनामध्ये आज पेट्रोलचा दर 21 पैशांनी वाढून 107.80 रुपये प्रति लीटर झाला आहे, तर डिझेल 20 पैशांनी वाढून 94.56 रुपये प्रति लिटरवर पोहोचला आहे.

गेल्या 24 तासात कच्च्या तेलाच्या किंमती प्रतिबॅरेल 3 डॉलर्सनी घसरल्या आहेत. ब्रेंट क्रूडची किंमत प्रतिडॉलर 2.95 ने घसरून प्रति बॅरल 85.41 डॉलरवर पोहोचली आहे. दररोज सकाळी ६ वाजता पेट्रोलचे दर सुधारले जातात. अनेक घटक पेट्रोलची किंमत ठरवतात. जसे की रुपया ते अमेरिकन डॉलर विनिमय दर, कच्च्या तेलाची किंमत, जागतिक संकेत, इंधनाची मागणी, इतर. जेव्हा आंतरराष्ट्रीय कच्च्या तेलाच्या किमती वाढतात तेव्हा भारतात इंधनाच्या किमती वाढतात.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

Edited By - Satish Daud