ब्रिटनमधून एक धक्कादायक घटना समोर आली आहे. पाकिस्तानी वंशाच्या वरिष्ठ डॉक्टरने एक भयंकर कृत्य केलं आहे. रूग्णाला ऑपरेशन दरम्यान मध्येच सोडून जवळच्या खोलीत जाऊन नर्ससोबत शारीरिक संबंध ठेवले. या घटनेची माहिती मिळताच वैद्यकीय विभागात खळबळ उडाली आहे. नेमकं प्रकरण काय पाहुयात.

हे संपूर्ण प्रकरण ग्रेटर मँचेस्टरमधील आहे. डॉ. सुहेल अंजुम असे शस्त्रक्रिया करणाऱ्या डॉक्टरांचे नाव आहे. डॉ. सुहेल यांनी शस्त्रक्रियेदरम्यान, रूग्णाला अर्ध्यावरच सोडून दिले. त्या दिवशी ड्युटीवर त्यांच्या पाच शस्त्रक्रिया झाल्या होत्या. परंतु तिसऱ्या ऑपरेशन दरम्यान, त्यांनी ब्रेकघेतला. तसेच शस्त्रक्रियेची जबाबदारी दुसऱ्या नर्सकडे सोपवली.

यानंतर डॉक्टर दुसऱ्या ऑपरेशन रूममध्ये गेले. त्या ऑपरेशन रूममध्ये त्यांनी एका नर्ससोबत शारीरिक संबंध ठेवले. एका स्क्रब नर्सने ट्रिब्युनलला सांगितले की, जेव्हा ती ऑपरेशन थिएटरमध्ये उपकरणे घेण्यासाठी गेली. तेव्हा तिने डॉक्टर आणि नर्सला आक्षेपार्ह स्थितीत पाहिले.

नर्सने ही घटना लगेच इतरांना कळवली. चौकशीदरम्यान, डॉ. सुहेल अंजुम यांनी कबूल केले की, रूग्ण ऑपरेशन थिएटरमध्ये बेशुद्ध पडलेला असताना त्यांनी नर्ससोबत शारीरिक संबंध ठेवले. हे प्रकरण कोर्टापर्यंत गेलं. सुनावणीदरम्यान, डॉ. सुहेल अंजुम म्हणाले, 'गेल्या काही दिवसांपासून मी प्रचंड अस्वस्थ आहे. माझी पत्नी मेंटल ट्रॉमाचा सामना करत आहे. मला खरोखर वाईट आणि लाज वाटत आहे'. अंजुमने २०२४ मध्ये एनएचएस ट्रस्ट सोडले असून, ते आता पाकिस्तानला परतले आहेत.