UP Election Results 2022: उत्तर प्रदेश निवडणुकांमध्ये योगी आदित्यनाथ यांनाच जनतेने कौल दिल्याचं चित्र आहे. यूपीच्या जनतेने भरघोस जनादेश देऊन भाजपला पुन्हा एकदा सत्तेत येण्याची संधी दिली आहे हे निकालावरुन स्पष्ट होत आहे. यानंतर पुन्हा एकदा यूपीची सत्ता मुख्यमंत्री योगी आदित्यनाथ यांच्याकडे जाणार आहे. निवडणूक निकाल जाहीर झाल्यानंतर उत्तर प्रदेश किंवा देशातच नव्हे, तर शेजारील देश पाकिस्तानातही खळबळ माजली आहे (Pakistani Are Upset With Up Election Results Showing Yogi Adityanath as Winner).

अनेक पाकिस्तानी (Pakistan) लोकांनी व्टिटर सोशल मीडियावर निवडणूक निकालांवर प्रतिक्रिया देत नाराजी व्यक्त केली आहे. त्यामुळे योगींच्या (Yogi Adityanath) विजयाने काँग्रेस आणि आपच नाही तर पाकिस्तानीही दु:खी आहेत.

पाकिस्तानचे सुप्रसिद्ध राजकीय तज्ञ मोशर्रफ जैदी यांनी ट्विटरवर लिहिले की, योगी आदित्यनाथ यांचा यूपीमधील विजय म्हणजे भारत आता आपला मार्ग बदलणार नाही, याची आणखी एक पुष्टी आहे. आता आगामी काळात परिस्थिती आणखी बिकट होऊ शकते. याबाबत अनेकांनी आधीच इशारा दिला आहे. 2019 नंतरच्या भारतापेक्षाही अधिक शूर आणि लढाऊ भारताशी सामना करण्यासाठी आता पाकिस्तानने तयार असले पाहिजे.

पाकिस्तानमधील एका ट्विटर वापरकर्त्याने, फिडाटो नावाच्या ट्विटर हँडलने लिहिले की, उत्तर प्रदेश निवडणुकीत भाजपच्या पुन्हा विजयानंतर मुस्लिम विरोधी योगी आदित्यनाथ यांनी नरेंद्र मोदींचे संभाव्य उत्तराधिकारी म्हणून आपले स्थान आणखी मजबूत केले आहे.

याशिवाय, वकास अहमद नावाच्या व्यक्तीने त्याच्या ट्विटर लिहिले की, जर अतिरेक वाढला तर तो उर्वरित दक्षिण आशियामध्येही पसरु शकतो. बांगलादेशात हिंदूंवर कशाप्रकारे कारवाई होते हे आपण अलीकडेच पाहिले. तो पुन्हा पसरला तर अल्पसंख्याकांना अत्यंत कठीण परिस्थितीला सामोरे जावे लागू शकते.

Edited By - Nupur Uppal