लाहोर: मुसळधार पावसामुळे (Rain) पाकिस्तानमधील अनेक भाग जलमय झाले आहेत. त्यामुळे लोकांना स्थलांतर करावे लागत आहे. पाकिस्तानमध्ये ढगफुटी सदृश्य पाऊस सुरू आहे. अनेक ठिकाणी पूरस्थिती निर्माण झाली आहे. या पुरात आतापर्यंत मृतांची संख्या ९०० हून अधिक झाली आहे. पाकिस्तानच्या बलुचिस्तान, सिंध, पंजाब आणि खैबर पख्तुनख्वा या चार प्रांतातील रहिवाशांना या पुराचा फटका बसला आहे. राष्ट्रीय आपत्ती व्यवस्थापन प्राधिकरणाने जारी केलेल्या अहवालात गेल्या २४ तासात सुमारे ७३ जणांचा मृत्यू झाल्याचे समोर आले आहे.

दरम्यान, ८२,०३३ घरांचे नुकसान झाले असून ७१० जणावरे ठार झाली आहेत. १९१ महिलांसह सुमारे ४०० जणांना मुसळधार पाऊस (Rain) आणि पूरसंबंधित घटनांमुळे जीव गमवावा लागला आहे. तर १००० हून अधिक जण जखमी झाले आहेत.

शाहबाज शरीफ यांच्या आवाहनावर आंतरराष्ट्रीय संस्थांनी गुरुवारी पाकिस्तानच्या मदतीसाठी ५० कोटी डॉलर्सची देणगी देण्याचा निर्णय घेतला आहे. 'दक्षिण पाकिस्तानमध्ये मुसळधार पाऊस पडत आहे, यामध्ये सिंधमधील २३ जिल्हे आपत्तीग्रस्त म्हणून घोषित करण्यात आले आहेत. दक्षिण भागात सिंधमध्ये ७८४% जास्त पाऊस झाला आहे. या हंगामातील सामान्य सरासरी पावसाच्या (Rain) तुलनेत ही आकडेवारी चिंताजनक आहे.