Onion Price Hike : दिल्ली आणि मुंबईत कांद्याचे दर गगनाला भिडले आहेत. दिल्ली-मुंबईत एक किलो कांदा ८० रुपयांनी विकला जात आहे. मागील ५ वर्षानंतर नोव्हेंबरमध्ये कांद्याचे भाव गगनाला भिडले आहेत. एएनआय रिपोर्टनुसार, दिल्ली आणि मुंबईत बाजारात एक किलो कांद्याच्या किंमती ७० ते ८० रुपये झाले आहे. यामुळे सर्वसामान्यांचं किचन बजेट कोलमडलं आहे.

मागील काही दिवसांत देशातील काही शहरात कांदा महागला आहे. या दरवाढीचा ग्राहकांना मोठा फटका बसला आहे. या शहरातील कांद्याच्या किंमती ४० ते ६० रुपये किंमतीहून ७० ते ८० रुपये किलो इतक्या झाल्या आहेत. काही शहरातील कांद्याचा भाव दुप्पटीने वाढला आहे.

कांद्याचा अचानक भाव वाढल्याने सर्वसामान्यांना मोठा फटका बसला आहे. दिल्ली आणि मुंबईसारख्या शहरातील बाजारात ६० ते ७० रुपये किंमती दराने कांदा विक्री केली जात आहे. विक्रेत्यांचं म्हणणं आहे की,'कांदा विक्री घसरली आहे.

दरवाढीनंतरही काही जण कांद्याची खरेदी करत आहेत. या सीझनमध्ये कांद्याचे दर कमी असायला पाहिजे होते. परंतु मी ७० रुपये किलो दराने कांद्याची विक्री करत आहे. लोक आता कांदा खरेदी करण्यास टाळू लागले आहेत. सरकारला विनंती करतो की, भाज्यांचे दर कमी करण्यास महत्वाचे निर्णय घेतले पाहिजे.

८ नोव्हेंबरपर्यंत दिल्लीत कांद्याचा एक किलो दर ८० रुपये होता. मुंबईसह देशातील इतर शहरातही कांद्याचा दर वाढला आहे. मुंबईतील एका विक्रेत्याने सांगितले की, 'कांदा आणि लसणाच्या किंमती वाढल्या आहेत. यामुळे सर्वसामान्याचं बजेट कोलमडलं आहे. मी स्वत: 360 रुपयांनी ५ किलो कांदे विकत घेतले आहेत. मला आशा आहे की, कांद्याचे दर लवकरच कमी होतील'.