Viral Valentine Day Video : नुकताच 'व्हॅलेंटाईन डे' साजरा झाला आहे. या दिवशी सर्वजण आपलं प्रेम व्यक्त करतात. आपल्या मनातील भावना आपल्या साथीदारासमोर व्यक्त करतात. अनेक तरुण तरुणी या दिवसाचे सुंदर क्षण आपल्या फोनमध्ये कैद करतात आणि सोशल मीडियावर देखील शेअर करताना दिसतात. (Latest Viral Valentine Day Video)

'व्हॅलेंटाईन डे' सेलिब्रेट करण्यासाठी अनेक जण वेगवेगळं प्लॅनिंग करतात. अशात या दिवशी तरुणाईचा उत्साह आणि आनंद गगणात मावेनासा असतो. महिनाभर आधीच प्लॅनिंग केल्यावर हा दिवस साजरा करतात. यात कोणी कॅफेमध्ये एकत्र कॉफीचा अस्वाद घेतात. तर कुणी डिनर किवा लंचसाठी रेस्टॉरंटमध्ये जातात.

मात्र यंदाचा 'व्हॅलेंटाईन डे' एका जोडप्याला चांगलाच महागात पडला आहे. त्यांनी स्वप्नातही विचार केला नसेल असा त्यांचा प्रेमभंग झाला आहे. प्रेमाचा दिवस साजरा करण्यासाठी हे दोघे एका छान रेस्टॉरंटमध्ये जेवायला गेले होते. तरुण त्याच्या प्रेयसीला त्याच्या हाताने भरवत होता. मागे रोमँटीक गाणं सुरू होतं. त्या संपूर्ण वातावरणात दोघेही दंग झाले होते.

तितक्यात तिथे तरुणीची आई येते. मुलीला तिच्या प्रियकराबरोबर पाहून आईच्या तळपायाची आग मस्तकात जाते. ती आपल्या मुलीला आधी जोरदार कानशिलात लगावते. त्यानंतर आई त्या मुलाला शिवीगाळ करत मारहाण करू लागते. आईला राग इतका अनावर झालेला असतो की, ती सरळ त्या मुलाला चपलेने मारहाण करते. प्रियकराला होत असलेली मारहाण पाहून मुलीला देखील यातना होतात.

आपल्या प्रियकराला वाचवण्यासाठी ती मध्ये पडते. मात्र यात तिला आणखीन चोप मिळतो. आपली मुलगी आहे म्हणून आई थांबत नाही, तर ती मुलीला देखील चपलेने मारण्यास सुरुवात करते. या घटनेचा फनी व्हिडीओ सध्या सोशल मीडियावर जोरदार व्हायरल होतं आहे. अनेक नेटकरी हा व्हिडीओ पाहून तरुण आणि तरुणीच्या परिस्थितीवर हसत आहेत. तर काहींना या गोष्टीचे वाईट वाटत आहे.