Viral News : Valentine Day च्या दिवशीच मायलेकींनी रोड रोमियोला चोपलं; VIDEO तुफान व्हायरल

चेतन इंगळे

Nalasopara Viral News : नालासोपाऱ्यातील आचोळे रोड येथे मुलीची छेड काढणाऱ्या एका रोड रोमियोला तरुणीने आणि तिच्या आईने भर रस्त्यात कायमची अद्दल घडवली आहे. याचा व्हिडिओ सोशल मीडियावर व्हायरल झाला आहे.

आज व्हॅलेंटाईन डे साजरा केला जात असताना दुसरीकडे मात्र पोरींची येता-जाता छेड काढणाऱ्या रोडछाप रोमियोंची काही कमी नाही. काही मुली हा त्रास सहन करतात, पण काही मुली सहन न करता त्या रोड रोमियोला कायमची अद्दल घडवतात.

व्हॅलेंटाईन डेला काहीतरी तुफानी करते हैंच्या आवेशात गेलेल्या अशाच एका रोड रोमियोला चांगलेच महागात पडले आहे. नालासोपाऱ्यात मुलीची छेड काढणाऱ्या एका तरुणला भर रस्त्यात बेदम चोप देण्यात आला आहे. त्याचा एक व्हिडीओ सोशल मीडियावर (Social Media) व्हायरल होत आहे.

नालासोपारा (Nalasopara) पूर्व आचोळे रोड डॉन लेन परिसरात मुलीची छेड काढणाऱ्या एका तरुणाला तरुणीने आणि तिच्या आईने चांगलीच मारहाण केली. या मुलीने आणि तिच्या आईने या तरुणाला लाथा बुक्क्यांनीही मारल्याचं काही प्रत्यक्षदर्शींनी संगितलं. पीडित मुलगी आणि तिची आई या तरुणाला मारहाण करतानाचा सर्व प्रकार एका मोबाईल कैमेऱ्यात कैद झाला आहे. सध्या हा व्हिडीओ सोशल मीडियावर व्हायरल (Viral Video) झाला आहे.

दरम्यान, तुळींज पोलीस ठाण्यात या प्रकरणाची कोणतीही नोंद झाली नाही. या परिसरात मुलींची रोजच छेड काढली जाते, अशा प्रकारची टवाळकी करणाऱ्या तरुणांनी या परिसरात उच्छाद मांडलाय, अशी तक्रार या परिसरातील नागरिकांनी केली आहे. त्यामुळे मुलींची छेड काढण्याच्या घटनेत दिवसेंदिवस वाढ होत असल्याने पोलिसांनी अशा रोड रोमियोंना कायमची अद्दल घडवावी अशी मागणी नागरिकांनी केली आहे.