Tumakuru Accident : कर्नाटक येथील तुमाकुरू जिल्ह्यात झालेल्या दाेन वाहनांच्या अपघातात नऊ जण ठार तर अकरा जण जखमी (injured) झाले आहेत. ठार झालेल्यांमध्ये तीन लहान मुलांचा समावेश आहे. राष्ट्रीय महामार्गावरील सिरा येथे हा अपघात झाला. दरम्यान पंतप्रधान नरेंद्री माेदी यांनी घटनेबाबत दुख व्यक्त करुन मदत जाहीर केली आहे. (Tumakuru Accident Latest Marathi News)

तुमकुरू जिल्ह्यातील बालेनहल्लीच्या प्रवेशद्वारानजीक जीप आणि टेम्पोची जोरदार धडक झाली. ही धडक इतकी भीषण हाेती की घटनेत काही जणांचा जागेवरच मृत्यू झाला. कर्नाटक पाेलिसांच्या माहितीनूसार या अपघातात रोजंदारीवर जाणा-या मजूरांचा मृत्यू झाला आहे. ते बंगळुरू येथे निघाले हाेते.

या अपघातात नऊ जण ठार झाले आहेत. तसेच अकरा जण जखमी झाले आहेत अशी माहिती एसपी राहुलकुमार शाहपूरवाड यांनी दिली. त्यानी घटनास्थळी भेट देत परिस्थितीचा आढावा देखील घेतला.

या अपघातात मृत पावलेल्यांच्या नातेवाईकांना दाेन लाख रुपयांची मदत. तसेच जखमींना 50 हजार रुपयांची मदत पंतप्रधान नरेंद्र माेदींनी जाहीर केली आहे. त्याबाबतचे ट्विट माेदींनी केले आहे.

Edited By : Siddharth Latkar