सुप्रिम मसकर, साम प्रतिनिधी

अवकाशातून पृथ्वीच्या दिशेनं येणाऱ्या एका महाकाय लघुग्रहानं अनेकांची चिंता वाढवलीय. कुतुबमिनारच्या 9 पट मोठा असणारा हा लघुग्रह पृथ्वीच्या दिशेने येत असल्याचा इशारा नासानं दिलाय. हा लघुग्रह पृथ्वीवर आदळल्यास काय होणार? या लघुग्रहामुळं पृथ्वीवरील मानवी वस्तीचं काय होणार याबद्दल वैज्ञानिकांमध्ये चिंतेचं वातावरण आहे. त्याआधी नेमका हा लघुग्रह काय आहे ते जाणून घेऊया.

पृथ्वीच्या दिशेनं सरकतोय महाकाय ग्रह?

असं पृथ्वीच्या दिशेने येणाऱ्या महाकाय ग्रहाचं नाव

लघुग्रह 51 हजार किलोमीटर प्रति तास वेगाने पृथ्वीच्या दिशेने

नासाची 'जेट प्रोपल्शन लॅबोरेटरी' कडून VO5 निरीक्षण

लघुग्रहाचा व्यास 660 मीटर

11 जुलैला लघुग्रह पृथ्वीजवळ येण्याची शक्यता

हा लघुग्रह पृथ्वीच्या दिशेनं येण्याची ही पहिली वेळ नाही. याआधीही 1988 मध्येही हा ग्रह पृथ्वीजवळून गेलाय. हा लघुग्रह पृथ्वीपासून दूर अंतरावर असल्यानं सध्यातरी त्याच्यापासून धोका नसल्याचं सांगितलं जातयं. मात्र जर इतक्या मोठ्या आकाराचा लघुग्रह पृथ्वीवर आदळला तर तो किती विनाश घडवून आणेल याची कल्पना न केलेलीच बरी.