या आहेत उद्योजिका नमिता थापर.... डोक्यात संतापाची तिडीक जावी... संवेदनशील माणसाची मान शरमेनं झुकावी, अशा शब्दात सोशल मीडियावरची नालायकांची झूंड नमिता थापर यांच्यावर तुटून पडलीय.... होय.. अक्षरशः तुटून पडलीय.. फक्त नमिता थापर यांनाच नाही तर त्यांच्या वृध्द आईलाही शिवागाळ कऱण्यात आलीय... मात्र तब्बल 25 दिवसांनी नमिता थापर यांनी मौन सोडत ट्रोलर्सला सडेतोड उत्तर दिलंय...

खरं तर या ट्रोल धाडीला कारण ठरलंय नमिता थापर यांनी रमजानच्या महिन्यात नमाजचे आरोग्यदायी फायदे सांगणारा बनवलेला व्हिडीओ.... आणि हाच व्हिडीओ सोशल मीडियावरच्या धर्माच्या ठेकेदारांना झोंबला... आणि ही ट्रोल धाड नमिता थापर यांना ट्रोल करायला लागली...

फक्त नमिता थापरच नाही तर सामाजिक, राजकीय, मनोरंजन, उद्योग क्षेत्रातील महिलांना अत्यंत अश्लील शब्दात ट्रोल केलं जातं...महिलांना अश्लील शिवीगाळ करणाऱ्या... अभद्र भाषेत महिलांवर टिपण्णी करुन सोशल मीडियावर नालायकपणाचा कळस गाठणाऱ्यांना वेळीच आवर घालण्याची गरज आहे... नाहीतर या ट्रोलधाडीनं अख्ख्या समाजाचं मोठं नुकसान झाल्याशिवाय राहणार नाही...