अतिलंबगोलाकार कक्षेत सूर्याभोवती फिरणाऱ्या ६७ पी नावाच्या धुमकेतूबाबत आश्चर्यकारक माहिती समोर आली आहे. या धुमकेतूवर गुहा सापडल्या आहेत. सापडलेल्या गुहा तब्बल ४७ मीटर लांबीच्या आहेत. धुमकेतू बर्फापासून बनलेला असतो. त्यात आता बर्फानेच बनलेल्या गुहांचा शोध लागला आहे. खगोलशास्त्रज्ञांसाठी ही फार महत्वाची माहिती आहे.
धुमकेतूची अंतर्गत रचना
खगोलशास्त्रज्ञ आणि भूगर्भशास्त्रज्ञांसाठी धुमकेतू हा फार वर्षांपूर्वीपासून अत्यंत आवडीचा विषय आहे. त्यामुळे यावर सापडलेल्या गुहांना असलेल्या खड्ड्यांचा खिडकीप्रमाणे उपयोग होईल असं शास्त्रज्ञांचं म्हणणं आहे. गुहेमुळे धुमकेतूच्या आतील भागाचा व्यवस्थित अभ्यास करता येणार आहे. तसेच धुमकेतू नेमका कसा तयार होतो याचा शोध घेण्यासाठी देखील या गुहांची मदत होणार आहे.
गेल्या काही वर्षांत धुमकेतूंचा अभ्यास करण्यासाठी खगोलशास्त्रज्ञ आणि भूगर्भशास्त्रज्ञांनी अनेक मोहिमा राबवल्या आहेत. यामध्ये इंटरनॅशनल कॉमेटरी एक्सप्लोरर (ICE), Vega 1 आणि Vega 2, Sakigake आणि Suisei, Giotto, Deep Space 1, Stardust, Contour, Deep Impact, EPOXI आणि Rosetta यांचा समावेश आहे.
प्रत्येक मोहिमेत धुमकेतूबाबत विविध माहिती शोधण्यास मदत झाली आहे. धूमकेतू ६७P वरील सर्वात अलीकडील शोध युरोपियन स्पेस एजन्सीच्या रोसेटा अंतराळयानाद्वारे करणे शक्य झालं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.