Cheapest Electric Car in India 2023: एमजी मोटरने आपली छोटी इलेक्ट्रिक कार कॉमेट ईव्ही सादर केली आहे. ही सध्या देशातील सर्वात लहान इलेक्ट्रिक कार आहे. आपल्या सेगमेंटमधील ही पहिलीच कार आहे.
आता याच्या लॉन्च डेटची माहिती समोर आली आहे. MG Comet EV 26 एप्रिल रोजी भारतीय बाजारपेठेत लॉन्च केली जाणार आहे.
कंपनी याच्या किंमती मे 2023 मध्ये घोषित करू शकते . कंपनीने या ईव्हीचे उत्पादन सुरू केले आहे आणि येत्या महिन्यापासून त्याची डिलिव्हरी सुरू होऊ शकते. आतापर्यंत कंपनीने याची रेंज, बॅटरी क्षमता इत्यादींचा खुलासा केलेला नाही. (Latest Auto News in Marathi)
यामध्ये 17.3 kWh क्षमतेची बॅटरी दिली जाऊ शकते, जी 42 hp पॉवर आणि 110 न्यूटन मीटर टॉर्क जनरेट करते. या कारला 10 - 80% चार्ज करण्यासाठी 5 तास आणि 0 - 100% चार्ज करण्यासाठी 7 तास लागतात.
एका चार्जवर 230 किमीची रेंज देऊ शकते, असं बोललं जात आहे. नवीन ईव्ही जीएसईव्ही प्लॅटफॉर्मवर तयार करण्यात आली आहे. शहरी ग्राहकांच्या गरजा लक्षात घेऊन या कारची डिझाइन करण्यात आली आहे. तसेच सुरक्षिततेसाठी या प्लॅटफॉर्मला एक मजबूत स्टील फ्रेम देण्यात आली आहे. ज्यामध्ये 17 हॉट स्टॅम्पिंग पॅनेल देखील उपलब्ध आहेत. (Latest Marathi News)
MG Comet EV च्या लूकबद्दल बोलायचे झाले तर याला एक लहान फ्रंट ग्रिल, मोठी LED स्ट्रिप, पातळ हेडलाइट्स देण्यात आले आहेत. यात मोठे दरवाजे, स्पोर्टी अलॉय व्हील आणि सपाट मागील भाग आहे. यात बरेच नवीन फीचर्स देण्यात आले आहे. दरम्यान, लॉन्च झाल्यानंतर ही देशातील सर्वात स्वस्त इलेक्ट्रिक कार ठरू शकते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.