अजित पवार यांचा अपघात नसून त्यांचा घात करण्यात आल्याचा संशय आमदार रोहित पवार घेतलाय. अजितदादांच्या मृत्यूप्रकरणावरून राज्यातील वातावरण तापलंय. विमान कंपनीच्या कारभारावर प्रश्न उपस्थित केले जात आहेत. त्याच दरम्यान मध्य प्रदेशमध्ये मुख्यमंत्र्यांच्या हेलिकॉप्टरचा अपघात झाला. उड्डाण घेताच हेलिकॉप्टरचं नियंत्रण सुटलं आणि ते हवेत वाकडं-तिकडं होऊ लागलं, सुदैवाने मोठा अनर्थ टळला.

मध्य प्रदेशातील खंडवा येथे मोठी हेलिकॉप्टर दुर्घटना होताना टळली. मुख्यमंत्री मोहन यादव यांच्या हेलिकॉप्टर अपघात होण्यापासून थोडक्यात बचावलं झाला. उड्डाण करताच हेलिकॉप्टर पुढे जाण्याऐवजी मागे जाऊ लागले. सुदैवाने अनर्थ टळला. दरम्यान या घटनेचा एक व्हिडिओ आता सोशल मीडियावर व्हायरल होतोय. मुख्यमंत्र्यांच्या सुरक्षिततेबद्दल चिंता व्यक्त केली जातेय. हाती आलेल्या माहितीनुसार, मुख्यमंत्री मोहन यादव हे खंडवा येथे पंधाना येथे लाडकी बहीण योजनेच्या कार्यक्रमासाठी जात होते.

न्यूज१८ च्या वृत्तानुसार खांडवा येथील पंधना येथून उड्डाण घेताना मुख्यमंत्री मोहन यादव यांचे हेलिकॉप्टर अचानक पुढे जाण्याऐवजी मागे-खाली झुकू लागले. हे दृश्य पाहून तिथे उपस्थित असलेले लोक आणि सुरक्षा कर्मचारी घाबरले. पायलटने हेलिकॉप्टर हुशारीने हाताळले. जेव्हा हेलिकॉप्टर हवेत सुरक्षितपणे स्थिरावले आणि पुढील प्रवासासाठी निघाले, तेव्हा लोकांनी सुटकेचा नि:श्वास सोडला.