Aditya L1 Launch:

चांद्रयानानंतर सर्व भारतीयांचे आदित्य एल १ कडे लक्ष लागले आहे. अशात नुकतेच आदित्य एल १ सूर्याच्या दिशेने झेपावलं आहे. पीएसएलव्ही सी ५७ या वाहकाच्या मदतीने आदित्य एल १ ने सूर्यावर झेप घेतली आहे. आता हे यान सूर्याच्या निश्चित कक्षेपर्यंत कधी पोहचणार? तसेच संशोधनात कोणती माहिती समोर येणार याची माहिती जाणून घेऊ. (Latest Marathi News)

आदित्य एल १ उपग्रहाचं लाँचिंग यशस्विरित्या झालं आहे. पीएसएलव्ही रॉकेटच्या तीन स्टेजमध्ये पुढे सरकलंय. आदित्य एल १ यान १७० किलोमीटर उंचीवर पोहोचलं आहे.

सूर्यावर कधी पोहचणार?

सूर्याकडे झेप घेतल्यावर अचूक कक्षेपर्यंत पोहचण्याचा आदित्य एल १ चा प्रवास १२५ दिवसांचा असणार आहे. या दिवसांमध्येच योग्य कक्षेपर्यंत पोहचून आदित्य एल १ उतरणार आहे.

आदित्य-L1 चे वजन किती?

आदित्य एल १ चे वजन १४८०.७ किलोग्राम इतकं आहे. आकाशात झेप घेतल्यानंतर जवळपास ६३ मिनटांनंतर रॉकेट आदित्य एल १ स्पेसक्राफ्टमधून वेगळे होईल.

आदित्य एल १ चे बजेट किती आहे?

आदित्य एल १ इस्रोसाठी एक मोठं मिशन आहे. यासाठी गेल्या अनेक वर्षांपासून शास्त्रज्ञ काम करतायत. काही हिंदी वृत्तपत्रांनी दिलेल्या माहितीनुसार, या मिशनचे बजेट ४०० कोटी रुपये इतके आहे.