उत्तर प्रदेशच्या गाझियाबादमध्ये भोपुरा येथील डीएलएफ कॉलनीतील एका घराला भीषण आग लागल्याची घटना घडली. भाजप नेते मान सिंह गोस्वामी यांच्या घराला आग लागल्यानंतर एका पाठोपाठ स्फोट झाले. स्फोटाच्या आवाजामुळे शेजारी लोक घाबरले. स्फोटादरम्यान मान सिंह यांचं कुटुंब घरात होते. स्फोटानंतर शेजारी लोक घरातून बाहेर आलं.

मानसिंह गोस्वामी हे भाजपच्या पश्चिम उत्तर प्रदेशचे क्षेत्रीय उपाध्यक्ष आहेत. स्थानिक नगरसेवक रेखा गोस्वामी यांचे पती आहेत. गोस्वामी कुटुंबीयांनी सांगितलं की, घराला आग लागल्यानंतर शेजारी लोक घराबाहेर आले. आमच्या घराला आग लागल्यानंतर आजूबाजूच्या घरांना देखील आग लागू लागली. स्फोटाचा आवाज आल्याने परिसरात बहुतेक रस्त्यावर जमा झाले. स्थानिकांनी तातडीने पोलीस आणि अग्निशमन दलाला माहिती दिली'.

आगीच्या घटनेवर भाजप नेते काय म्हणाले?

भाजप नेते मानसिंह यांनी म्हटलं की, 'आमच्या जीवाला धोका आहे. ही आग दुर्घटना नसून कोणीतरी जीवघेणा हल्ला केला आहे'. आगीची ही दुर्घटना १० फेब्रुवारीच्या रात्री घडल्याचे सांगण्यात येत आहे.

मानसिंह पुढे म्हणाले, 'मी उशिरा रात्री घरात झोपत होते. त्याचवेळी अचानक घरातून स्फोटाचा मोठा आवाज आला. त्यानंतर अंथरूण उचलून घराबाहेर आलो. तोपर्यंत घराचा मुख्य दरवाजाला आग लागली होती. घरात आगीचे लोट पसरले होते'.

पोलीस अधिकारी अतुल कुमार यांनी सांगितलं की, 'घराच्या बाहेर वीजेचे बोर्ड होते. त्याचे बटण बंद होते. आम्ही आगीच्या दुर्घटनेचं कारण शोधत आहोत. आम्हाला प्रथमदर्शनी कोणीही हल्ला केल्याचे भासले नाही. आम्ही अग्निशमन दलाच्या जवानांशी चर्चा केली. त्यांनी शॉर्टसर्किटमुळे आग लागल्याची शक्यता व्यक्त केली आहे'.