Baghdad Explosion Near Football Stadium : इराकची राजधानी बगदादमध्ये फुटबॉल स्टेडियमजवळ स्फोट झाला आहे. या अपघातात 10 जणांचा मृत्यू झाला असून 20 हून अधिक जण जखमी झाले आहेत. तर जखमींना रुग्णालयात (Hospital) दाखल करण्यात आले असून त्यांच्यावर उपचार सुरु आहे. मृत आणि जखमींमध्ये फुटबॉल खेळणाऱ्या लोकांचा समावेश आहे. (Iraq Bomb Blast)

मिळालेल्या माहितीनुसार, स्टेडियमजवळ असलेल्या गॅस टँकरमध्ये हा स्फोट झाला.स्फोट इतका जोरदार होता की आजूबाजूच्या घरांच्या खिडक्यांच्या काचेला तडे गेले आहे. तसेच घटनास्थळाजवळ उभ्या असलेल्या अनेक वाहनांचेही मोठ्या प्रमाणात नुकसान झाले आहे. इराकचे राष्ट्राध्यक्ष अब्दुल लतीफ रशीद यांनी या घटनेच्या चौकशीचे आदेश दिले आहेत. या घटनेला जबाबदार असणाऱ्यांना लवकरात लवकर शिक्षा होणार असल्याची ग्वाही अब्दुल लतीफ रशीद यांनी दिली.

सोमालियाच्या राजधानीत दोन स्फोट, अनेकांचा मृत्यू

तर सोमालियाची राजधानी मोगादिशूमध्ये शनिवारी एका प्रमुख सरकारी कार्यालयाजवळ गर्दीच्या ठिकाणी दोन स्फोट झाले, ज्यात अनेक नागरिकांचा मृत्यू झाला आहे तर अनेक जण जखमी सुद्धा झाले आहे. जखमींना उपचारासाठी रुग्णालयात दाखल करण्यात आले असून त्यांच्यावर उपचार सुरु आहे.

Edited By - Shivani Tichkule