मंदसौर : मध्य प्रदेशातील मंदसौर येथील दिल्ली-मुंबई एक्स्प्रेसवेवर भाजपचा निकटवर्ती मनोहरलाल धाकडचे अश्लील व्हिडिओ व्हायरल झाले. या प्रकरणात आता मोठा ट्विस्ट आलाय. संबंधित प्रकरणात अश्लील कृत्य करणाऱ्या महिलेचा पोलिसांनी शोध घेण्यास सुरुवात केली आहे. मैंदसोर पोलीस फिल्डींग लावत तरुणीच्या मागावरच आहेत. अशातच तरुणीचे कॉल रेकॉर्ड आता पोलिसांकडे आल्यानं तिच्या अडचणीत वाढ होऊ लागली आहे.

मंदसौर पोलिसांनी याविषयी माहिती देत खुलासा केला की, व्हायरल झालेल्या व्हिडिओत दिसणाऱ्या महिलेची ओळख पटवण्यासाठी कॉल डिटेल्स आणि इतर पुरावे गोळा केले आहेत. पोलीस अधिकाऱ्यांच्या म्हणण्यानुसार, लवकरच महिलेचा शोध घेतला जाईल आणि भारतीय दंड संहितेच्या कलम २९६, २८५ आणि ३/५ अंतर्गत कारवाई करण्यात येईल. पोलिसांनी या प्रकरणात तरुणीला ताब्यात घेण्यासाठी मोठा प्लॅन रचला आहे.

नेमकं काय होतं प्रकरण?

मे महिन्यात दिल्ली-मुंबई एक्स्प्रेसवेवीलर एक अश्लील व्हिडिओ व्हायरल झाला होता. त्या व्हिडिओत भाजप नेता मनोहरलाल धाकड आणि एक तरुणी दोघेही अश्लील कृत्य करताना दिसत होते. या व्हिडिओमुळे मध्य प्रदेशच्या राजकारणात मोठी खळबळ उडाली होती. दरम्यान, व्हायरल झालेल्या घटनेची देशभर चर्चा झाली होती. अशावेळी विरोधकांनी भाजपवर जोरदार निशाणा साधला आहे.

दरम्यान, व्हायरल झालेल्या व्हिडिओतील मंदसौर पोलिसांनी कारवाई केली आणि मनोहरलाल धाकड याच्याविरोधात बीएनएसच्या कलमांतर्गत गुन्हा दाखल करण्यात आला. त्यानंतर त्याला पोलिसांनी ताब्यात घेत अटक केली. परंतु न्यायालयानं त्याचा जामीन मंजूर केला. यानंतर व्हिडिओत दिसणाऱ्या महिलेविरुद्ध कारवाई करण्यास सुरुवात केली आहे. या घटनेला एका महिन्याहून अधिकचा कालावधी गेलाय. परंतु व्हिडिओत अश्लील वर्तन करणाऱ्या महिलेला अटक करण्यात यश आलं नाही. दरम्यान, पोलिसांकडू तरुणीची शोधमोहीम सुरुच आहे.