सुप्रीम मसकर, साम टीव्ही

एका तरुणानं आपला घटस्फोट साजरा करत सेलिब्रेशनचा थेट व्हिडिओ बनवलाय. मात्र हा व्हिडिओ खरा आहे का खोटा? हा तरुण नेमका कोण आहे? या तरुणानं घटस्फोट का घेतला? पाहूयात या स्पेशल रिपोर्टमधून...

हा व्हिडिओ पाहा. घटस्फोट झाल्याच्या आनंदात एका तरुणाला चक्क त्याच्या आईनं दुधानं अभिषेक घातलाय. इतकचं नव्हे तर या तरुणानं केक कापलाय.. ज्यावर हॅपी डिव्होर्स असं लिहीलय. या तरुणाचं नावं आहे दत्ता बिरादर. त्यानं व्हिडिओ शेअर करताना. पोस्टमध्ये काय लिहलंय पाहूयात..

“आनंदी राहा, स्वतःचा आनंद साजरा करा आणि निराश होऊ नका. 120 ग्रॅम सोनं आणि 18 लाख रोख घेतले नाही तर मी दिलेत. सिंगल हूं, खुश हूं, आझाद हूं. मेरी जिंदगी, मेरे नियम, सिंगल और हॅपी.” हा व्हिडिओ व्हायरल झाल्यानंतर यात खरचं काही तथ्य आहे का असा प्रश्न निर्माण झाल्यानं साम टिव्हीनं कर्नाटकातील या तरुणाची प्रतिक्रीया जाणून घेतली.

दत्ता बिरादर म्हणतो, 'हा व्हिडिओ खरा असून या घटनेनंतर मी ड्रिप्रेशनमध्ये होतो. मनात आत्महत्येचाही विचार येतं होते. मात्र माझ्यासारखे अनेक जण ट्रॉमामध्ये असतील म्हणूनच मी हा व्हिडिओ बनवलाय." देशभरात घटस्फोटाच्या संख्येत दिवसेंदिवस वाढ होतेय.. यामागे अनेक कारणं आहेत. परदेशी 'हॅपी डिवोर्स'चा हा ट्रेंड यापुढे आपल्या देशातही फॉलो करावा का हे ज्याचं त्यानं ठरवावं.