लोक जनशक्ति पार्टी(रामविलास)चे राष्ट्रीय अध्यक्ष चिराग पासवान यांना मोठा धक्का बसला आहे. पक्षातील ३८ नेत्यांनी तडकाफडकी राजीनामा दिला आहे. यात प्रदेश महासचिव रतन महासचिव यांचाही समावेश आहे. खासदार राजेश वर्मा यांच्या वागणुकीला कंटाळून राजीनामा दिल्याची माहिती मिळत आहे.

लोक जनशक्ति पार्टीचे प्रदेशाध्यक्ष राजू तिवारी यांनी मनीष कुमार उर्फ नाटा सिंह यांना २३ जुलै रोजी पक्षात जिल्हाध्यक्षपदाची जबाबदारी सोपवण्यात आली. तर खासदार राजेश वर्मा यांच्या सांगण्यावरून ही नियुक्ती करण्यात आली. या नंतर पक्षातील नाराज पदाधिकाऱ्यांनी सामूहिकरित्या पदाचा राजीनामा दिला. या पदाधिकाऱ्यांनी पक्षाच्या अध्यक्षांना एक खुलं पत्र देखील लिहिलं. त्यात पदाधिकाऱ्यांनी नाराजी सांगितली आहे.

नवे जिल्हाध्यक्ष यांच्या विरोधात खासदार राजेश वर्मा यांच्या खडगिया मतदारसंघात एक बैठक आयोजित केली. या बैठकीत लोजपाच्या ३८ पदाधिकाऱ्यांनी राजीनामा दिला. राजीनामा देणाऱ्या नेत्यांमध्ये माजी जिल्हाध्यक्ष शिवराज यादव, प्रदेश महासचिव रतन पासवान,युवा जिल्हाध्यक्ष सुजीत पासवान यांच्यासहित अनेक नेत्यांचा समावेश आहे. राजीनामा देताना एक पत्रक देखील जारी केलं.

पत्रात म्हटलं की, 'लोजपाचे संस्थापक दिवंगत रामविलास पासवान यांचा खडगिया हा बालेकिल्ला मानला जातो. याच बालेकिल्ल्यात पक्षातील नेत्यांसोबत चुकीचा व्यवहार केला जात आहे. पवन जायसवाल यांनी म्हटलं की, 'मनीष कुमार यांना जिल्हाध्यक्ष करण्याचा निर्णय वरिष्ठ नेतृत्वाचा आहे. काही लोक स्वार्थापोटी वक्तव्य करत आहेत. पक्षातील वरिष्ठांना याबाबत माहिती दिली जात आहे.