लहान मुलांच्या सोशल मिडीयावरील वाढत्या वापराला वैतागलेल्या समस्त पालकांना मद्रास हायकोर्टानं मोठा दिलासा दिला आहे. आता लहानग्यांच्या सोशल मिडीया वापरावर आपल्या देशात बंदी घालण्यासाठी कायदा करा ऐतिहासिक सूचना मद्रास हायकोर्टानं सरकारला दिल्या आहेत. मात्र ही बंदी नेमकी कशी असणारेय.? न्यायालयानं नेमकं काय म्हटलंय.. पाहूयात

भारतातही सोशल मीडियावर बंदी?

- 16 वर्षांखालील मुलांच्या सोशल मीडिया वापरावर बंदीच्या सूचना

- पोर्नोग्राफिक कंटेटमुळे बंदी कायदा लागू करा

- मुलांना पॅरेंटल कंट्रोल सक्ती करण्याची मागणी

- ऑनलाईन बाल लैंगिक शोषण रोखण्यासाठी उपाय

- शाळेतही जागरूकता कार्यक्रम घेण्याचे आदेश

ऑस्ट्रेलियामध्ये याआधीच 16 वर्षांखालील मुलांना सोशल मीडियाचा वापर करण्याबाबत निर्बंध लागू केलेत... सोशल मिडीयावर सहज उपलब्ध होणाऱ्या अश्लिल कंटेन्टमुळे लहानग्यांच्या मानसिक आरोग्यावर विपरीत परिणाम होत असल्याचं आपण पाहिलंय. त्यामुळे आता कोर्टानंच सरकारला या संबंधी उपाययोजना करण्याच्या सूचना दिल्यानंतर सरकार सोशल मिडीयाच्या या कचाट्यातून लहानग्यांना कसं बाहेर काढतं काय जालीम उपाययोजना करतं? हे पाहणं महत्वाचंये.