भोपाल: मध्य प्रदेशातील (Madhya Pradesh) भिंडमध्ये एक अजब किस्सा घडला. लहार येथील नवग्रह मंदिरातून शनिदेवाची मूर्ती चोरीला गेली. मात्र, पोलिसांनी शनिदेवा ऐवजी यमराजाची मूर्ती शोधून काढली. या घटनेनंतर मध्य प्रदेश पोलिसांच्या कारवाईवर प्रश्नचिन्ह उपस्थित झाले आहेत (Madhya Pradesh thief theft the statue of Shanidev Bhind police recover Yamraj statue).

मूर्ती चोरीची (Theft) घटना 21 जानेवारीची आहे. लाहार येथील भाटन तालुक्याच्या नवग्रह मंदिरातून काही अज्ञातांनी शनिदेवीची (Shanidev) मूर्ती चोरुन नेली. देवाची मूर्ती चोरीला गेल्याची खबर पोलिसांना देण्यात आली.

मीडिया रिपोर्ट्सनुसार, पुजाऱ्याच्या तक्रारीवरुन पोलिसांनी चोरीच्या मूर्तीचा शोध सुरु केला. पोलिसांनी (Police) अज्ञातांविरुद्ध चोरीची तक्रार नोंदवून चोरट्यांचा शोध सुरु केला. लहार एसडीओपी अवनीश बन्सल मूर्ती घेऊन शनिदेव मंदिरात पोहोचले. त्यांनी सांगितले की, ही मूर्ती रौण पोलीस स्टेशन हद्दीतील मणी जेटपुरा गावाजवळील एका शेतातून सापडली आहे. पोलीस अधिकाऱ्याने सांगितले की, ही तीच मूर्ती आहे जी नवग्रह मंदिरातून चोरीला गेली होती.

चोरीला गेले शनिदेव परत आले यमराज

मंदिराच्या पुजाऱ्याने मूर्ती पाहताच नकार दिला. ही चोरी झालेली शनिदेवाची मूर्ती नसल्याचे त्यांनी सांगितले. पोलिसांनी आणलेली मूर्ती पाहताच भाविकांनी पोलिसांच्या कारवाईवर प्रश्नचिन्ह उपस्थित केले आहे. पोलीस जी मूर्ती घेऊन पोहोचले होते, ती प्रत्यक्षात शनिदेवांची नव्हती. वास्तविक पोलिसांनी जप्त केलेली मूर्ती यमराजाची होती. आता मंदिरातील पुजारी आणि भाविक ही मूर्ती मंदिरात स्थापित करण्यास तयार नाहीत. पोलिसांच्या कारवाईवर प्रश्नचिन्ह उपस्थित केल्यानंतर अधिकारी याप्रकरणी काहीही बोलण्याचे टाळत आहेत.

पुजाऱ्याने मूर्ती बसवण्यास नकार दिला

मूर्ती चोरीची ही घटना भिंड येथील आहे. आश्‍चर्यकारक बाब म्हणजे पोलीस शनिदेवांऐवजी यमराजाची मूर्ती घेऊन पोहोचले होते. ही तीच मूर्ती असल्याचे पोलिसांनी सांगितले, जी मंदिरातून चोरीला गेली होती. मात्र, पुजाऱ्याने सांगितले की ती शनिदेवाची नही तर यमराजाची मूर्ती आहे.

Edited By - Nupur Uppal