पत्नीने शरीरसंबंध ठेवताना व्हिडिओ शूट करण्यास नकार दिल्यामुळे नराधम पतीने तिची हत्या केली आहे. ही ह्रदयद्रावक घटना मध्यप्रदेशातून उघडकीस झाली आहे. या कपलचं ५ महिन्यांपूर्वी लग्न झालं होतं.

दरम्यान, पत्नीची हत्या केल्यानंतर आरोपी फरार झाला. दरम्यान, पोलिसांना याची माहिती मिळताच त्यांनी घटनास्थळी धाव घेत आरोपीविरोधात गुन्हा दाखल केला. या घटनेचा अधिक तपास पोलिसांकडून सुरू आहे.

नेमकं घडलं काय?

जबर सिंग असे आरोपीचे नाव असून, त्याचे १० फ्रेब्रुवारीला गोल्डी या तरूणीशी विवाह झाला होता. दोघेही मध्य प्रदेशातील भिंड जिल्ह्यातील पुलेह गावात राहत होते. घटनेच्या रात्री पती दारू पिऊन घरी आला होता. रात्री उशिरा पत्नीसोबत शारीरिक संबंध ठेवत असताना त्याने व्हिडिओ बनवण्यास सुरूवात केली. त्याच्या पत्नीने व्हिडिओ शूट करण्यास विरोध केला. यावरून दोघांमध्ये भांडण झालं.

शाब्दिक बाचाबाची झाली. रागाच्या भरात पतीने पत्नीवर हात उगारला. तसेच पतीने पत्नीच्या पायाने गळा दाबून खून केला. पत्नीने प्राण सोडल्यानंतर पती, दीर आणि सासऱ्याने घटनास्थळावरून पलायन केलं. सकाळी कुटुंबातील सदस्यांना तरूणीच्या हत्येची माहिती मिळाली. त्यांना गोल्डीचा मृतदेह बेडवर पडलेला अवस्थेत दिसला. यानंतर त्यांनी पोलिसांना याची माहिती दिली. पोलिसांनी घटनास्थळी धाव घेत मृतदेह ताब्यात घेतलं, तसेच शवविच्छेदनासाठी रूग्णालयात पाठवलं.

त्यानंतर मृत महिलेच्या माहेरच्या कुटुंबाने दाखल केलेल्या तक्रारीनुसार, पोलिसांनी पती, दीर आणि त्याच्या सासऱ्यांविरोधात गुन्हा दाखल केला. पोलिसांनी गुन्हा दाखल करून कारवाईला सुरूवात केली आहे. सध्या पोलिसांकडून अधिक तपास सुरू आहे.