Sakshi Sunil Jadhav
सध्या लोकांच्या चर्चेत फक्त गॅसच्या बाटल्याच्याच चर्चा आहेत. अनेकांना गॅसचे बाटले मिळालेले नाहीत. फॅमिली मोठी असल्यामुळे त्यांना आता चुली पेटवण्याकडे वळावं लागतंय.
मध्य-पूर्वेत वाढलेल्या तणावामुळे आणि इराण-इस्त्रायल संघर्षाच्या पार्श्वभूमीवर देशातल्या एलपीजी गॅस पुरवठ्यावर परिणाम झाल्याची चर्चा सुरू आहे. अनेक शहरांमध्ये ग्राहकांना गॅस सिलेंडर मिळण्यासाठी खूप वाट पाहावी लागतेय.
काही ठिकाणी ग्राहक गॅस एजन्सीकडे तक्रार करताना दिसत आहेत. मात्र, घरबसल्या काही सोप्या पद्धती वापरून तुम्ही गॅस सिलेंडर बुक करू शकता.
गॅस पुरवठा सुरळीत ठेवण्यासाठी केंद्र सरकारने अत्यावश्यक वस्तू अधिनियम (ESMA) लागू केल्याची माहिती समोर येत आहे.
जर बुकिंग करूनही सिलेंडर वेळेत मिळत नसेल, तर ग्राहकांना अधिकृत मार्गाने तक्रार नोंदवण्याची सुविधा उपलब्ध आहे.
इंडेन ग्राहकांनी अधिकृत वेबसाइटवर लॉगिन करून 'Book Your Cylinder' या पर्यायाद्वारे सहज बुकिंग करू शकतात.
एचपी गॅस ग्राहक HP Pay ॲप किंवा IVRS क्रमांक 88888 23456 वर कॉल करून सिलेंडर बुक करू शकतात.
भारत गॅस ग्राहक Paytm सारख्या ॲपवर गॅस बुकिंग पर्याय निवडून ग्राहक क्रमांक व मोबाईल नंबर टाकून ऑनलाईन पेमेंट करून बुकिंग करू शकतात.
इंडेन ग्राहक 77189 55555 या अधिकृत व्हॉट्सॲप क्रमांकावर मेसेज करून LPG रिफिल बुक करू शकतात.
एचपी गॅस ग्राहक 92222 01122 या क्रमांकावर 'HI' असा मेसेज पाठवून व्हॉट्सॲप सेवा सुरू करून बुकिंग करू शकतात.
इंडेन ग्राहक 77189 55555 वर SMS करून किंवा 84549 55555 वर मिस्ड कॉल देऊन बुकिंग करू शकतात. भारत गॅससाठी 77150 12345 किंवा टोल-फ्री 1800 22 4344 वर संपर्क करता येतो.