उत्तर प्रदेशातील लखनऊमधून एक लाजिरवाणा प्रकार समोर आला आहे. एका तरूणानं शेजारच्या महिलेचं आणि तिच्या मुलीचे बाथरूममध्ये अंडरगारमेंट वाळत घालतानाचा व्हिडिओ शूट केला होता. तसेच शेअर करून महिलेची आणि तिच्या लेकीची बदनामी केली होती. पीडित महिलेनं याचा विरोध केला. तेव्हा आरोपी महिलेच्या घरात घुसला. तसेच कुटुंबाला मारहाण केली. पीडितेनं पोलिसांकडे धाव घेत तक्रार दाखल केली. आरोपीविरोधात गुन्हा दाखल करण्यात आला आहे.

चिनहट परिसरातील एका महिलेनं आरोप केला की, शरीफ हा तरूण शेजारी राहतो. अनेकदा अश्लील कमेंट करतो. तसेच टेरेसवर पीडितेसमोर नग्न होऊन फिरतो. त्यानं महिला आणि तिच्या मुलींचे बाथरूममध्ये जात असतानाचा व्हिडिओ शूट केला होता. नंतर हा व्हिडिओ त्यानं मित्रांमध्ये शेअर केला.

पीडितेनं याचा विरोध केला. तेव्हा त्यानं घरात घुसून कुटुंबाला मारहाण केली. त्यानं काही ठिकाणी कॅमेरे बसवले आहेत. तो महिला अंडरगारमेंट वाळत घालत असताना शूट करतो. तसेच व्हिडिओ मित्रांमध्ये शेअर करतो. पीडित महिला आणि काही तरूणींनी याचा विरोध केला. तेव्हा तो तरूणींवर हल्ला करायचा.

पीडित महिला आणि तिच्या मुलींनी पोलीस ठाण्यात धाव घेतली. तसेच तक्रार दाखल केली. पीडितेच्या तक्रारीवरून पोलिसांनी आरोपीविरोधात गुन्हा दाखल केला आहे. पोलीस या प्रकरणाचा पुढील तपास करीत आहे.