बस आणि टॅकरचा भीषण अपघात झालाय. टॅकरला धडक बसल्यानंतर बस ५० फूट खोल दरीत पलटी झाली. हा भीषण अपघात लखनौमधील काकोरीजवळ घडला. या अपघातात चार जणांचा मृत्यू झाला आणि अनेक जण जखमी झालेत. उत्तर प्रदेशची राजधानी लखनौमध्ये गुरुवारी संध्याकाळी एक मोठा अपघात झाला. लखनऊ-हरदोई रस्त्यावरील काकोरीजवळ एका टँकरला बसची धडक झाली, त्यानंतर रोडवेज बस ५० फूट खोल दरीत पलटी झाली. (Lucknow Bus Accident: Bus Hits Tanker And Falls Into 50-foot Gorge, 4 Dead)

या अपघातात चार जणांचा मृत्यू झाला असून अनेक लोक बसखाली अडकल्याची भीती व्यक्त केली जातेय. पोलीस प्रशासन आणि अग्निशमन दलाचे पथक मदत आणि बचाव कार्यात गुंतले आहेत. मिळलेल्या माहितीनुसार बस हरदोईहून लखनऊला येत होती. काकोरीतील टिकैतगंजजवळ बसची एका टँकरला धडक झाली. वेगात असलेली बस नियंत्रणाबाहेर गेली. त्यानंतर बस रस्त्याच्या कडेला असलेल्या ५० फूट खोल खड्ड्यात पलटी झाली.

अनेक दुचाकीस्वारांनाही बसने धडक दिली. बस उलटताच मोठ्या प्रमाणात आरडाओरडा झाला. आजूबाजूच्या लोकांनी पोलिसांना माहिती दिली आणि बचावकार्य सुरू करण्यात आली आहे. अपघाताची माहिती मिळाताच पोलीस दल तात्काळ घटनास्थळी पोहोचले आणि बचावकार्य सुरू केले. बसखाली काही लोक अडकले असण्याची शक्यता असल्याने अग्निशमन दलालाही कळविण्यात आले आणि त्यांना पाचारण करण्यात आले.