Cylinder Price News :

नवीन आर्थिक वर्षाच्या पहिल्या दिवशी सिलिंडरच्या दरात कपात करण्यात आली आहे. १९ किलोच्या व्यावसायिक सिलिंडरचे दर कमी करण्याचा निर्णय सरकारने घेतला आहे. सिलिंडरच्या किंमतीत ३०.५० रुपयांची कपात करण्यात आली आहे.

नव्या दरांनुसार, मुंबई व्यावसायिक सिलिंडर आता, १७१७.५० रुपयांना मिळणार आहे. दिल्लीत त्याची किंमत आता १७६४.५० रुपये झाली आहे, जी पूर्वी १७९५ रुपये होती. कोलकात्यात व्यावसायिक सिलिंडर १८७९ रुपये आणि चेन्नईमध्ये १९३० रुपयांना मिळणार आहे. आजपासून कमी झालेले दर लागू झाले आहेत. व्यावसायिक सिलिंडरच्या किमतीतील कपातीमुळे बाहेर खाणे आणि पिणे स्वस्त होईल अशी अपेक्षा आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याआधी १९ किलोच्या सिलिंडरच्या दरात सलग दोन महिने वाढ करण्यात आली होती. १ मार्च रोजी त्याची किंमत १७६९.५० रुपयांवरून १७९५ रुपयांपर्यंत वाढवली होती. १ फेब्रुवारीला त्यात १४ रुपयांनी वाढ करण्यात आली होती. तर १ जानेवारीला त्याची किंमत १.५० रुपयांनी कमी करण्यात आली होती.

घरगुती सिलिंडरच्या दरात बदल नाही

घरांमध्ये वापरल्या जाणाऱ्या 14 किलोच्या एलपीजी सिलिंडरच्या किंमतीत कोणताही बदल करण्यात आलेला नाही. मुंबई घरगुती वापरण्यासाठीचा सिलिंडर ८०२.५० रुपयांना मिळत आहे. दिल्लीत ८०३ रुपये, कोलकातामध्ये ८२९ रुपये, चेन्नईमध्ये ८१८.५० रुपयांना घरगुती सिलिंडर उपलब्ध आहे.

विमान इंधनाच्या किमतीतही घट

विमान इंधनाच्या किमतीही सरकारने कमी केल्या आहेत. विमान इंधनाच्या किमतीत सुमारे ५०२.९१ रुपये/किलोचा दिलासा मिळाला आहे. त्याच वेळी, गेल्या महिन्यात किमती ६२४.३७ रुपये प्रति किलोग्रॅमने वाढल्या होत्या. हवाई इंधनाचे नवे दरही आजपासून लागू झाले आहेत.