DMK-Congress Alliance:

तामिळनाडूत भाजपला टक्कर देण्यासाठी काँग्रेस सज्ज झाली आहे. काँग्रेसला डीएमकेची साथ मिळाल्याने त्यांची ताकद वाढलीय.तामिळनाडूचे मुख्यमंत्री एमके स्टॅलिन यांचा पक्ष द्रविड मुनेत्र कळघम (DMK)आणि काँग्रेसमधील जागावाटप निश्चित झालं. दोन्ही पक्षांनी २०१९ मधील जागावाटपाचा फॉर्म्युला कायम ठेवत आपल्या आघाडीला नवीन बळ दिलंय.(Latest News)

डीएमकेने राज्यातील ९ जागा दिल्या, तर आगामी लोकसभा निवडणुकीसाठी पुद्दुचेरीमधील एका जागा आपल्याकडे ठेवलीय. द्रमुकने तामिळनाडूमध्ये पुद्दुचेरीतील एकमेव जागा सोडून काँग्रेसला ९ जागा दिल्यात. मुख्यमंत्री स्टॅलिन आणि TNCC प्रमुख के सेल्वापेरुंथगाई यांनी AICC नेते केसी वेणुगोपाल आणि अजॉय कुमार यांच्या उपस्थितीत जागावाटप ठरवलं.

पत्रकारांना संबोधित करताना, वेणुगोपाल यांनी तामिळनाडू आणि पुद्दुचेरीमध्ये द्रमुकच्या नेतृत्वाखालील आघाडी सर्व ४० जागा जिंकेल असा विश्वास व्यक्त केला. आणि काँग्रेस- द्रमुक यांच्यातील आघाडी कायम असल्याचं वेणुगोपाल म्हणाले. त्याआधी अभिनेता कमल हसन हे द्रमुकच्या नेतृत्वाखालील आघाडीत सामील झाले. आगामी लोकसभा निवडणुकीसाठी त्यांनी द्रमुकला पाठिंबा दिला. तर डीएमकेने २०२५ च्या राज्यसभा निवडणुकीसाठी कमल हसन यांच्या मक्कल नीधी मैयम (MNM) ला एक जागा देण्याचे वचन दिलंय.