हैदराबाद : साऊथ सुपरस्टार अभिनेता विजय देवराकोंडा (Vijay Deverakonda) आज हैदराबाद येथील ईडी कार्यालयात चौकशीसाठी हजर झाला. त्याच्या नुकत्याच रिलीज झालेल्या 'लायगर' चित्रपटासाठी फंड सोर्सिंगशी संबंधित फेमा (फॉरेन एक्स्चेंज मॅनेजमेंट अॅक्ट) च्या चौकशीच्या संदर्भात ईडीसमोर हजर झाला.

ईडी 'लायगर' चित्रपटासंदर्भात कथित पेमेंट आणि फंडच्या स्रोताची चौकशी करत आहे. सूत्रांकडून मिळालेल्या माहितीनुसार, विजय देवरकोंडाकडून चित्रपटासाठी फंडचे स्रोत, त्याला मिळालेले पेमेंट आणि अमेरिकन बॉक्सर माईक टायसनसह इतर कलाकारांची चौकशी केली जात आहे.  (Latest Marathi News)

गेल्या काही महिन्यांपासून 'लायगर' चित्रपटाच्या गुंतवणूकदारांमध्ये या फंडाबाबत अनेक शंका आहेत. ईडीने अलीकडेच त्यांचे संचालक पुरी जगन्नाथ आणि त्यांची व्यावसायिक भागीदार चार्मी कौर यांची सुमारे 12 तास चौकशी केली.

'लायगर' सिनेमा 125 कोटी रुपयांपेक्षा जास्त बजेटमध्ये जास्तीत जास्त यूएसमधील लास वेगास येथे शूट करण्यात आला होता. या चित्रपटात बॉक्सर माईक टायसन देखील दिसला होता. मात्र, रिलीज झाल्यानंतर हा चित्रपट सपशेल अपयशी ठरला. संपूर्ण भारतातील चित्रपट म्हणून प्रदर्शित होऊनही, लीगरने आपल्या थिएटरमध्ये भारतीय बॉक्स ऑफिसवर आपल्या बजेटपैकी फक्त अर्धाच पैसा वसूल केला.

काँग्रेस नेत्याच्या तक्रारीवरुन चौकशी

काँग्रेस नेते बक्का जडसन यांनी चित्रपटातील संशयास्पद गुंतवणुकीची तक्रार दाखल केल्यानंतर ईडीने तपास सुरू केला. बक्का जडसन यांनी तक्रारीत म्हटले होते की, राजकारण्याने 'लायगर'मध्ये पैसेही गुंतवले होते. गुंतवणूकदारांसाठी त्यांचा काळा पैसा पांढरा करण्याचा हा सर्वात सोपा मार्ग असल्याचा दावाही त्यांनी केला. त्याचवेळी अनेक कंपन्यांनी चित्रपट निर्मात्यांच्या खात्यात पैसे ट्रान्सफर केल्याचा संशय तपास यंत्रणेला आहे. सध्या ईडी चौकशी करत आहे.