नवी दिल्ली: देशातील सर्वात मोठी विमा कंपनी असणाऱ्या एलआयसीने (LIC) सध्या ग्राहकांसाठी एक मोठी योजना जाहीर केली आहे. या योजनेत गुंतवणूक केल्यास ग्राहकांना चांगलाच फायदा मिळणार आहे. तुम्हाला या योजनेतून वयाच्या ६० वर्षानंतर पैसे मिळणार आहेत.

तुम्ही जर एलआयसीची पॉलिसी घेणार असाल तर ही बातमी तुमच्यासाठी महत्वाची आहे. एलआयसीची सरल पेन्शन स्कीम आपल्यासाठी महत्वाची आणि फायद्याची ठकणार आहे. यात तुम्ही गुंतवणूक केल्यास मोठा फायदा मिळणार आहे.

एलआयसीची (LIC) ही योजना एक नॉन-लिंक केलेली, सिंगल प्रीमियम, वार्षिकी योजना आहे. तुम्ही तुमच्या जोडीदारासोबतही या योजनेचा लाभ घेऊ शकता. (LIC Latest News)

भारतीय आयुर्विमा महामंडळाने (LIC) लोकांच्या गरजा लक्षात घेऊन १ जुलै २०२१ रोजी सरळ पेंशन योजना सुरू केली आहे. या योजनेत तुम्ही एकाच वेळी पैशाची गुंतवणूक करायची आहे. यानंतर तुम्हाला प्रत्येक महिन्याला फिक्स इनकम मिळणार आहे.

ही पॉलिसी तुम्हाला ऑनलाइन(Online), किंवा ऑफलाइन पद्धतीने घेता येऊ शकते. या योजनेअंतर्गत, तुम्ही पॉलिसी सुरू झाल्याच्या तारखेपासून सहा महिन्यांनंतर कधीही कर्जाचा लाभ घेऊ शकता. एलआयसी ( LIC) च्या सरळ पेन्शन प्लॅन पॉलिसीधारकास १२ हजार रुपये महिन्याला पेन्शन स्वरुपात मिळू शकतात. या योजनेअंतर्गत किमान वार्षिक १२ हजार रुपये प्रतिवर्ष करण्यात आली आहे. ही पॉलिसी खरेदी ग्राहकाच्या वयावर अवलंबून असणार आहे.

जर तुम्हाला महिन्याच्या पेन्शन योजनेचा लाभ घ्यायचा असेलतर १ हजार रुपये महिन्याला भरावे लागणार आहेत. तशाच पद्धतीने तीन महिन्यासाठी तुम्हाला ३ हजार रुपये भरावे लागणार आहेत. या पॉलिसीचा दुसरा फयदा म्हणजे ग्राहकांना आयुष्यभर पेन्शन मिळणार आहे. संबंधीत ग्राहकाच्या मृत्यूनंतर पती आणि पत्नीला आयुष्यभर पेन्शन (LIC) मिळणार आहे. (LIC Latest News)