Kolkata Viral Video : कल्पना करा, तुम्ही काही रुपये किमतीचे गुटख्याचे पाकीटं घेतले आणि ते फोडल्यानंतर त्यातून शंभरच्या डॉलरची नोट बाहेर आली, तर तुम्ही काय कराल. अशीच काहीशी घटना कोलकत्ता येथे घडली आहे. या घटनेचा व्हिडिओ सध्या सोशल मीडियावर व्हायरल होत आहे.

कोलकत्ता (Kolkata) विमानतळावर (Airport) कस्टमच्या अधिकाऱ्यांनी बँकॉकला (Bangkok) जात असलेल्या सामानाची तपासणी केली. त्यावेळी त्यांना गुटख्याची पाकिटं सापडली. मोठ्या प्रमाणात असलेली पाकीटं पाहून कस्टम अधिकाऱ्यांना संशय आला.

अधिकाऱ्यांनी जेव्हा गुटख्याची पाकीटं उघडण्यास सुरुवात केली तेव्हा त्यात तब्बल 400 अमेरिकन डॉलर सापडले. या 400 अमेरिकन डॉलर्सची (Dollar) भारतीय रुपयात गणना केली तर ही रक्कम सुमारे 32.78 लाख रुपये इतकी आहे.अधिकाऱ्यांनी ही रक्कम जप्त केली आहे.

या कारवाईचा व्हिडीओ कस्टम विभागाकडून शेअर करण्यात आला आहे. त्यात अधिकारी गुटख्याची पाकिटं उघडताना दिसत आहेत. या पाकिटांमधून अमेरिकन डॉलर बाहेर पडत आहेत.

गुटख्याच्या पाकिटांमध्ये अमेरिकन डॉलर निघाल्यानं अधिकाऱ्यांची सुध्दा चांगलीचं तारांबळ उडाली. सध्या पोलीस अधिकारी या प्रकरणाचा तपास करत आहेत. आरोपीची कसुन चौकशी सुरू आहे. त्याचबरोबर आरोपी एखाद्या आंतरराष्ट्रीय टोळीचा सदस्य आहे का, याचा देखील तपास सुरू आहे.