देशाचे अर्थसंकल्पीय अधिवेशन सुरू असून लोकसभेत मागच्या काही दिवसांपासून जोरदार गदारोळ सुरू आहे. अशातच आज केंद्रीय संसदीय कामकाज मंत्री किरेन रिजिजू यांनी एक व्हिडिओ पोस्ट करत काँग्रेसच्या खासदारांवर गंभीर आरोप केला आहे. काँग्रेसचे 20 ते 25 खासदार लोकसभा अध्यक्षांच्या कार्यालयात घुसले आणि त्यांना शिवीगाळ केली. तसेच या खासदारांनी पंतप्रधान नरेंद्र मोदी यांना धमकी दिली, असे रिजिजू यांनी व्हिडिओ शेअर करत म्हटले आहे.

लोकसभेत काही दिवसआधीच किरेन रिजीजू यांनी एक व्हिडिओ पोस्ट केला होता. पंतप्रधान नरेंद्र मोदींचे राष्ट्रपतींच्या अभिभाषणावर उत्तराचे भाषण होणार होते. पण, काँग्रेसच्या महिला खासदार पंतप्रधानांच्या आसनाजवळ गेल्याने गोंधळ झाला होता. किरेन रिजिजू यांनी गुरुवारी 12 फेब्रुवारी आज नवीन व्हिडिओ शेअर करत खळबळ उडवून टाकली आहे. 20 ते 25 कॉँग्रेसचे खासदार लोकसभा अध्यक्ष ओम बिर्ला यांच्या दालनात गेले आणि त्यांना शिवीगाळ केली. तसेच बेकायदेशीरपणे हा व्हिडिओ बनवला आहे.

रिजिजू म्हणाले, प्रियंका गांधी, के.सी. वेणुगोपाल यांच्यासह काँग्रेसचे अनेक वरिष्ठ नेते लोकसभा अध्यक्षांच्या कार्यालयात उपस्थित होते. प्रियंका गांधी खासदारांना भांडण करणण्यासाठी उकसवत होते. लोकसभा अध्यक्ष ही खूप भोळे आणि शांत आहेत. नाहीतर खूप मोठी कारवाई झाली असती असा आरोप त्यांनी केला.