कोची - केरळ उच्च न्यायालयाने (Kerala High Court) मंगळवारी दिलेल्या निर्णयानुसार आंतरधर्मीय विवाह केलेल्या जोडप्यांचे मुलं आता वडिलांकडून पोटगी मिळण्यास पात्र असणार आहे. तसेच वडिलांचे कर्तव्य ठरवण्यासाठी जात किंवा धर्म कोणताही निकष नसावे असा निर्णय केरळ उच्च न्यायालयाने दिला आहे . न्यायमूर्ती मुश्ताक आणि न्यायमूर्ती डॉ. ए कौसर एडप्पागथ यांचा समावेश असलेल्या खंडपीठाने सांगितले की, पालकांची जात आणि धर्म विचारात न घेता सर्व मुलांना समान वागणूक दिली पाहिजे. (Kerala High Court Latest News)

नेदुमनगड कौटुंबिक न्यायालयाने दिलेल्या आदेशाविरुद्ध सराव करणाऱ्या कोझिकोडे येथील जेडब्ल्यू अरगाथन या हिंदूने दाखल केलेल्या याचिकेवर विभागीय खंडपीठ विचार करत होते. त्यानुसार कौटुंबिक न्यायालयाने अरगथन यांना त्यांच्या मुस्लिम पत्नीच्या मुलीच्या लग्नाच्या खर्चासाठी 14.67 लाख रुपये, तिच्या शिक्षणासाठी 96,000 रुपये आणि पोटगी म्हणून 1 लाख रुपये देण्याचे आदेश दिले आहे.