पश्चिम बंगालनंतर आणखी एका राज्यातील सरकार कोसळणार असल्याची शक्यता आहे. गेल्या काही दिवसांपासून अनेक राज्यातील राजकारणात वेगवेगळ्या घडामोडी होत होत आहेत. यासर्व राजकीय घडामोडीमुळे देशाच्या राजकारणात मोठा परिणाम होतोय. आता हाती आलेल्या माहितीनुसार, पश्चिम बंगालनंतर जम्मू-काश्मीरमधील नॅशनल कॉन्फरन्सच सरकारमध्ये आलबेल असून ते कधीही कोसळू शकते, असा दावा भाजपकडून केला जातोय.

जम्मू-काश्मीरमधील भाजपचे विरोधी पक्षनेते सुनील शर्मा यांनी हा दावा केलाय की, नॅशनल कॉन्फरन्सचे सर्व आमदार फ्री फुकट विकले जाण्यास तयार आहेत. एका वृत्तवाहिनीशी बोलताना सुनील शर्मा म्हणाले की, भाजप स्वतःचे सरकार स्थापन करण्यासाठी कोणत्याच प्रकारे जम्मू-काश्मीरमधील विद्यमान सरकारला अस्थिर करणार नाही.

भारतीय जनता पक्ष मुख्यमंत्री उमर अब्दुला यांच्याविरोधात एक मोर्चा काढणार आहे. त्या रॅलीआधी सुनील शर्मा यांनी माध्यमांशी बोलताना सांगितलं की, नॅशनल कॉन्फरन्सचे आमदार कोणत्याही किमतीमध्ये विकण्यास तयार आहेत. परंतु आम्ही त्यांना आमच्या पक्षात घेणार नाहीत.

पक्षात फूट पाडणार नाही- सुनील शर्मा

सुनील शर्मा यांनी स्पष्ट केलं की, विद्यमान सरकार पाडून किंवा पक्षात फूट पाडून त्यांना सरकार स्थापन करण्याची इच्छा नाहीये. कारण समोरचा पक्ष आधीच फुटलेला आहे. त्यांच्यात दुफळी आहे. जम्मू-काश्मीरमध्ये सरकार स्थापन करण्याची त्यांना काय गरज? तिथे सर्व काही त्यांच्याच नियंत्रणाखाली तर चालले आहे." सरकार स्थापन न करताच सर्व काही घडत असल्याचं सुनील शर्मा म्हणालेत.

जम्मू-काश्मीरमध्ये ३७०कलम पुन्हा लागू होणार नाही. ही गोष्ट सरकारनं स्वीकारली आहे. जम्मू-काश्मीरला राज्याचा दर्जा दिला जाईल आणि सरकारने ते मान्य केलंय. आम्ही म्हटलं होतं की कलम ३५-ए संपुष्टात आणले जाईल आणि खरोखरच ते हटवण्यात आले. आम्ही जाहीर केले होतं की, जमात-ए-इस्लामीपासून ते हुरियतपर्यंतचे सर्वजण देशविरोधी आहेत. त्यांच्यावर बंदी घातली जाईल असं आम्ही म्हणालो होतो, त्याप्रमाणे त्यांच्यावर बंदी घालण्यात आली.

सुनील शर्मा पुढे म्हणाले की, राज्यात कोणीच येथे राजकीयदृष्ट्या कैद नाहीत. जे कैदेत आहेत, ते देशद्रोही आहेत, ही बाब सरकारनं मान्य केलीय. त्यामुळे आम्हाला सरकार बनवण्याची गरज नाहीये. न सरकार न स्थापन करता ही कामे होत आहेत. जर ही कामे करण्यात आम्हाला अडचणी आल्या असत्या तर आम्ही सरकार बनवण्यासाठी प्रयत्न केला असता. जम्मू-काश्मीरमध्ये भाजप सरकार स्थापन करेल तेव्हा पुर्ण बहुमतानेच सराकर स्थापन करेल.